కస్తూర్బా విద్యార్ధులు.. క్రీడల్లో మెరికలు
గాంధారి మండల కేంద్రంలోని కస్తూర్బా పాఠశాలకు చెందిన విద్యార్థులు చదువుతోపాటు క్రీడల్లోనూ రాణిస్తున్నారు. రాష్ట్ర, జాతీయ స్థాయిలో ప్రతిభ కనబర్చి శభాష్ అనిపించుకుంటున్నారు.
- రాష్ట్ర, జాతీయ స్థాయిలో రాణిస్తున్న గాంధారి కేజీబీవీ విద్యార్థులు
- స్కౌట్స్ అండ్ గైడ్స్లోనూ ప్రతిభ
గాంధారి, అక్టోబర్ 11: గాంధారి మండల కేంద్రంలోని కస్తూర్బా పాఠశాలకు చెందిన విద్యార్థులు చదువుతోపాటు క్రీడల్లోనూ రాణిస్తున్నారు. రాష్ట్ర, జాతీయ స్థాయిలో ప్రతిభ కనబర్చి శభాష్ అనిపించుకుంటున్నారు. మరోవైపు క్రమశిక్షణకు మారుపేరైన స్కౌట్స్ అండ్ గైడ్స్లోనూ జాతీయస్థాయిలో పాల్గొని పతకాలను సాధిస్తున్నారు. పాఠశాలకు చెందిన పలువురు విద్యార్థినులు అథ్లెటిక్స్, షూ టింగ్ బాల్ పోటీల్లో అందరి ప్రశంసలు పొందుతున్నారు.
విద్యార్థులు సాధించిన పతకాలు..
గాంధారి కస్తూర్బా పాఠశాలకు చెందిన విద్యార్థినులు జాతీయ, రాష్ట్రస్థాయి పోటీల్లో రాణిస్తూ అందరి మన్ననలు పొందుతున్నారు. వీ సరోజ గతేడాది నవంబర్లో మధ్యప్రదేశ్లో జరిగిన జాతీయస్థాయి అండర్-16 షూటింగ్బాల్ పోటీల్లో ద్వితీయస్థానం సాధించింది. ఈ ఏడాది జనవరిలో బిహార్లో జరిగిన అథ్లెటిక్ పోటీల్లో కే సోనిక ప్రతిభ కనబర్చి పతకం సాధించింది. జనవరిలో రాజస్థాన్ రాష్ట్రంలో నిర్వహించిన స్కౌట్స్ అండ్ గైడ్స్ పోటీల్లో ఎన్ వెన్నెల, ఆర్. పూజ పాల్గొని బహుమతులను గెలుచుకున్నారు.
కామారెడ్డి జిల్లా కేంద్రంలో ఇటీవల నిర్వహించిన జిల్లాస్థాయి అథ్లెటిక్ పోటీల్లో పాల్గొన్న గాంధారి కేజీబీవీ క్రీడాకారులు 13 విభాగాల్లో బహుమతులను సాధించారు. ఇందులో ఉత్తమ ప్రతిభ కనబర్చి పతకాలను సాధించిన కే స్వప్న (జావెలిన్ త్రో), స్రవంతి (షార్ట్పుట్), కుర్మావతి (లాంగ్జంప్) రాష్ట్రస్థాయి పోటీలకు ఎంపికయ్యారు. దీంతోపాటు రాష్ట్ర ప్రభుత్వం నిర్వహించిన సీఎం కప్ మండల స్థాయి కబడ్డీ, వాలీబాల్ పోటీల్లో పతకాలను సాధించారు.
జాతీయ, రాష్ట్రస్థాయిలో రాణించడం సంతోషంగా ఉంది..
మా పాఠశాల విద్యార్థులు జాతీయ, రాష్ట్రస్థాయి పోటీల్లో రాణించి పతకాలను సాధించడం సంతోషంగా ఉంది. విద్యార్థులు క్రీడలతోపాటు స్కౌట్స్ అండ్ గైడ్స్లోనూ ఉత్సాహంగా పాల్గొనేలా ప్రోత్సహిస్తున్నాం. ఇటీవల జరిగిన జిల్లాస్థాయి క్రీడా పోటీల్లో క్రీడాకారులు 13 బహుమతులను సాధించడం గర్వంగా ఉంది.
-శిల్ప, ప్రిన్సిపాల్, కేజీబీవీ, గాంధారి
ప్రత్యేక శిక్షణ ఇస్తున్నాం..
పాఠశాలకు చెందిన విద్యార్థులకు క్రమశిక్షణతోపాటు, క్రీడల్లో రాణించేలా ప్రత్యేక దృష్టి పెట్టాం. ప్రతిరోజూ శిక్షణ ఇస్తున్నాం. అందుకే జాతీయ, రాష్ట్రస్థాయిలో రాణిస్తున్నారు. ఆసక్తి ఉన్న ప్రతి ఒక్కరినీ ప్రోత్సహించి ఉత్తమ క్రీడాకారులుగా తీర్చిదిద్దుతున్నాం. ఇందులో స్టాఫ్, ప్రభుత్వ ప్రోత్సాహం కూడా ఉన్నది.
-సవిత, పీఈటీ, గాంధారి కేజీబీవీ
Read Today's Latest Nizamabad News in Telugu and Telugu News
RELATED ARTICLES
తాజా వార్తలు
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

