ఇఫ్కోలో డిప్లొమా అప్రెంటిస్‌లు

ఇఫ్కో| ఇండియన్‌ ఫార్మర్స్‌ ఫెర్టిలైజర్‌ కోఆపరేటివ్‌ లిమిటెడ్‌ (ఐఎఫ్‌ఎఫ్‌సీఓ-ఇఫ్కో) వివిధ విభాగాల్లో ఖాళీగా ఉన్న అప్రెంటిస్‌ పోస్టుల భర్తీకి నోటిఫికేషన్‌ విడుదల చేసింది.

న్యూఢిల్లీ: ఇండియన్‌ ఫార్మర్స్‌ ఫెర్టిలైజర్‌ కోఆపరేటివ్‌ లిమిటెడ్‌ (ఐఎఫ్‌ఎఫ్‌సీఓ-ఇఫ్కో) వివిధ విభాగాల్లో ఖాళీగా ఉన్న అప్రెంటిస్‌ పోస్టుల భర్తీకి నోటిఫికేషన్‌ విడుదల చేసింది. అర్హత, ఆసక్తి కలిగినవారు దరఖాస్తు చేసుకోవాలని సూచించింది. ఆన్‌లైన్‌ దరఖాస్తులు వచ్చేనెల 31 వరకు అందుబాటులో ఉంటాయని తెలిపింది. 2021-22 ఆర్థిక సంవత్సరానికిగాను ఈ శిక్షణా కార్యక్రమాన్ని నిర్వహిస్తున్నది. రాతపరీక్ష, ఇంటర్వ్యూ ద్వారా అభ్యర్థులను ఎంపిక చేయనుంది. ఎంపికైనవారు ఉత్తరప్రదేశ్‌లోని ఔన్లా యూనిట్‌లో పనిచేయాలి.
మొత్తం ఖాళీలు: 28
ఇందులో మెకానికల్‌ ఇంజినీరింగ్‌ 6, ఎలక్ట్రికల్‌ ఇంజినీరింగ్‌ 4, ఎలక్ట్రానిక్స్‌ ఇంజినీరింగ్‌ 3, సివిల్‌ ఇంజినీరింగ్‌ 2, ఇన్‌స్ట్రుమెంటేషన్ అండ్‌ కంట్రోల్ ఇంజినీరింగ్‌ 2, కెమికల్ ఇంజినీరింగ్‌ 6, సెక్రటేరియల్‌ ప్రాక్టీస్‌ 5 చొప్పున ఉన్నాయి.
అర్హతలు: సంబంధిత సబ్జెక్టులో ఇంజినీరింగ్‌ లేదా టెక్నాలజీలో డిప్లొమా ఉత్తీర్ణులవాలి. అభ్యర్థులు 18 నుంచి 27 ఏండ్ల మధ్య వయస్సు కలిగినవారై ఉండాలి.
ఎంపిక ప్రక్రియ: రాతపరీక్ష, ఇంటర్వ్యూ ఆధారంగా
దరఖాస్తు విధానం: ఆన్‌లైన్‌లో
దరఖాస్తులకు చివరితేదీ: జూలై 31
వెబ్‌సైట్‌: www.mhrdnats.gov.in