డైకి గుడ్‌బై!

మూడు పదులు దాటకుండానే.. మాడు మొత్తం ముగ్గుబుట్టలా మారిపోతున్నది. చేసేదిలేక ‘హెయిర్‌ డై’ వేయాల్సి వస్తున్నది. దీంతో జుట్టు నల్లబడ్డా.. లేనిపోని రోగాల ప్రమాదం పొంచి ఉంటుంది. ఈ సమస్యకు ‘ఆయుర్వేదం’ చక్కని పరిష్కారం చెబుతున్నది. ఉసిరి, భృంగరాజ్‌తో ‘హెయిర్‌ డై’కి గుడ్‌బై చెప్పొచ్చని అంటున్నది.

మూడు పదులు దాటకుండానే.. మాడు మొత్తం ముగ్గుబుట్టలా మారిపోతున్నది. చేసేదిలేక ‘హెయిర్‌ డై’ వేయాల్సి వస్తున్నది. దీంతో జుట్టు నల్లబడ్డా.. లేనిపోని రోగాల ప్రమాదం పొంచి ఉంటుంది. ఈ సమస్యకు ‘ఆయుర్వేదం’ చక్కని పరిష్కారం చెబుతున్నది. ఉసిరి, భృంగరాజ్‌తో ‘హెయిర్‌ డై’కి గుడ్‌బై చెప్పొచ్చని అంటున్నది.

• ఒక గిన్నెలో రెండు టేబుల్‌ స్పూన్ల చొప్పున ఉసిరి పొడి, భృంగరాజ్‌ పొడి, కొబ్బరి లేదా నువ్వుల నూనెను తీసుకోవాలి. గిన్నెను స్టవ్‌మీద పెట్టి.. సన్నని మంటపై వేడిచేయాలి. కొద్దిగా చల్లబడిన తర్వాత.. జుట్టు కుదుళ్లకు బాగా పట్టించాలి. రాత్రంతా అలాగే ఉంచి.. ఉదయాన్నే తేలికపాటి షాంపూతో తలస్నానం చేయాలి.
• ఒక టేబుల్‌ స్పూన్‌ కొబ్బరినూనెకు, ఒక టేబుల్‌ స్పూన్‌ ఉసిరిపొడిని కలపాలి. ఈ మిశ్రమాన్ని కొద్దిగా వేడిచేసుకొని.. కాస్త చల్లారిన తర్వాత జుట్టుకు బాగా పట్టించాలి. అరగంటపాటు అలాగే వదిలేసి.. చల్లటి నీటితో తలస్నానం చేయాలి. ఇలా రెగ్యులర్‌గా చేస్తే.. తెల్ల జుట్టు సమస్య తగ్గి.. జుట్టు ఒత్తుగా మారుతుంది.
• కొన్ని కరివేపాకులు, ఉసిరిపొడి, బ్రాహ్మిపొడి ఒక్కో టేబుల్‌ స్పూన్‌ చొప్పున తీసుకోవాలి. ఈ మూడిటినీ మెత్తగా రుబ్బుకుని, దానికి కొద్దిగా నీళ్లు కలిపి పేస్ట్‌ చేసుకోవాలి. ఈ మిశ్రమాన్ని జుట్టుకు పట్టించి.. గంట తర్వాత తలస్నానం చేయాలి. వారానికి ఒకసారైనా ఇలా చేస్తే.. తెల్లజుట్టు సహజంగానే నల్లగా మారిపోతుంది.