సుయెజ్ కాలువలో క‌దిలిన ఎవ‌ర్ గివెన్ షిప్‌

గ‌త వారం రోజులుగా సుయెజ్ కాలువ‌లో అడ్డంగా ఇరుక్కుపోయి భారీ ట్రాఫిక్ జామ్‌కు కార‌ణ‌మైన ఎవ‌ర్ గివెన్ షిప్ సోమ‌వారం క‌దిలింది.

కైరో: గ‌త వారం రోజులుగా సుయెజ్ కాలువ‌లో అడ్డంగా ఇరుక్కుపోయి భారీ ట్రాఫిక్ జామ్‌కు కార‌ణ‌మైన ఎవ‌ర్ గివెన్ షిప్ సోమ‌వారం క‌దిలింది. స్థానిక కాల‌మానం ప్ర‌కారం ఉద‌యం 4.30 గంట‌ల‌కు ఆ షిప్ తిరిగి నీటిపై తేల‌డం ప్రారంభించిందని ఇంచ్‌కేప్ షిప్పింగ్ స‌ర్వీసెస్ త‌న ట్విట‌ర్‌లో వెల్ల‌డించింది. ఇక ఇప్పుడు అడ్డంగా ఇరుక్కున్న‌ ఆ షిప్‌ను ట‌గ్ బోట్ల సాయంతో మ‌ళ్లీ దారిలోకి తెచ్చే ప్ర‌య‌త్నాలు సాగుతున్నాయి. త్వ‌ర‌లోనే సుయెజ్ కాలువను తిరిగి తెరిచే అవ‌కాశాలు క‌నిపిస్తున్నాయి. ఈ షిప్ వ‌ల్ల ఇప్ప‌టికే కాలువ‌లో అటుఇటూ కొన్ని వంద‌లాది నౌక‌లు నిలిచిపోయాయి.

షిప్ ట్రాకింగ్ స‌ర్వీస్ అయిన వెసెల్‌ఫైండ‌ర్ సుయెజ్ కాలువ‌లోని ఎవ‌ర్ గివెన్ షిప్ స్టేట‌స్‌ను మార్చింది. ప్ర‌స్తుతం ఆ కంటైన‌ర్ షిప్ క‌దులుతున్న‌ట్లుగా చెప్పింది. గ‌త మంగ‌ళ‌వారం 400 మీట‌ర్ల పొడువున్న ఈ షిప్ సుయెజ్ కాలువ‌లో అడ్డంగా ఇరుక్కుపోయిన విష‌యం తెలిసిందే. ఈదురు గాలుల కార‌ణంగా ఈ షిప్ అడ్డం తిరిగింది. షిప్ తిరిగి పాక్షికంగా నీటిలో తేలిన‌ట్లు ఈజిప్ట్ అధికారులు తెలిపారు. సుయెజ్ కెనాల్ అథారిటీ దీనిని ధృవీక‌రించాల్సి ఉంది.

The MV Ever Given was successfully re-floated at 04:30 lt 29/03/2021. She is being secured at the moment. More information about next steps will follow once they are known. #suezcanel #maritime pic.twitter.com/f3iuYYiRRi

— Inchcape Shipping Services (@Inchcape_SS) March 29, 2021

ఇవికూడా చదవండి..

అలస్కాలో కుప్పకూలిన హెలికాప్టర్‌..

ప్రపంచ వాణిజ్యానికి ట్రాఫిక్‌ జామ్

లాక్‌డౌన్‌ దిశగా మహారాష్ట్ర

కుంకుమ పువ్వు గ‌ర్భిణుల‌కేనా?

చిన్నారి పెళ్లికూతురు పెళ్లి పీట‌లెక్కిందా?

తీరొక్క ఆప్షన్లతో ధరణి పోర్టల్‌