Varanasi | మహేష్ బాబు – రాజమౌళి ‘వారణాసి’ మూవీ విడుదల వాయిదా? త్వరలోనే కొత్త తేదీ ప్రకటన!

Varanasi | సూపర్ స్టార్ మహేష్ బాబు, టాలెంటెడ్ డైరెక్టర్ ఎస్.ఎస్. రాజమౌళి కాంబినేషన్‌లో తెరకెక్కుతున్న మోస్ట్ అంటెసిపేటెడ్ పాన్ వరల్డ్ మూవీ 'వారణాసి' (Varanasi) చిత్రానికి సంబంధించి సోషల్ మీడియాలో ఓ క్రేజీ న్యూస్ చక్కర్లు కొడుతోంది.

Varanasi | సూపర్ స్టార్ మహేష్ బాబు, టాలెంటెడ్ డైరెక్టర్ ఎస్.ఎస్. రాజమౌళి కాంబినేషన్‌లో తెరకెక్కుతున్న మోస్ట్ అంటెసిపేటెడ్ పాన్ వరల్డ్ మూవీ ‘వారణాసి’ (Varanasi) చిత్రానికి సంబంధించి సోషల్ మీడియాలో ఓ క్రేజీ న్యూస్ చక్కర్లు కొడుతోంది. అనూహ్యంగా ఈ సినిమా విడుదల తేదీ వాయిదా పడినట్లు ఫిలిం సర్కిల్స్‌లో ప్రచారం జరుగుతోంది. వాస్తవానికి ఈ భారీ యాక్షన్ అడ్వెంచర్ చిత్రాన్ని 2027 ఏప్రిల్ 7న (ఉగాది కానుకగా) ప్రపంచవ్యాప్తంగా గ్రాండ్‌గా రిలీజ్ చేయనున్నట్లు మేకర్స్ ఇదివరకే అధికారికంగా ప్రకటించారు.

అయితే, సినిమా గ్రాండ్ విజువల్ ఎఫెక్ట్స్, పోస్ట్ ప్రొడక్షన్ పనులు మరియు ఇతర లాజిస్టికల్ కారణాలరీత్యా ఈ విడుదల తేదీని వాయిదా వేయాలని చిత్రబృందం యోచిస్తున్నట్లు సమాచారం. త్వరలోనే చిత్ర యూనిట్ నుంచి ఈ వాయిదాపై స్పష్టత రానుందని, త్వరలోనే కొత్త రిలీజ్ డేట్‌ను అధికారికంగా ప్రకటించనున్నట్లు ప్రచారం జరుగుతోంది. రాజమౌళి మార్క్ గ్లోబల్ స్టాండర్డ్స్‌తో తెరకెక్కుతున్న ఈ సినిమాపై అంచనాలు తారాస్థాయిలో ఉండటంతో, దీనికి సంబంధించిన అఫీషియల్ అప్‌డేట్ కోసం మహేష్ బాబు అభిమానులు ఎంతగానో ఎదురుచూస్తున్నారు.