పెట్ డాగ్స్‌తో క్యూట్ సితార‌.. ఫొటోలు వైర‌ల్

సూప‌ర్ స్టార్ మ‌హేష్ బాబు గారాల ప‌ట్టి సితార సోష‌ల్ మీడియాలో ఎంత యాక్టివ్‌గా ఉంటుందో ప్ర‌త్యేకించి చెప్ప‌న‌క్క‌ర్లేదు. త‌న పోస్ట్‌ల ద్వారా మంచి విష‌యాలు చెబుతూనే అప్పుడ‌ప్పుడు ఎంట‌ర్‌టైన్ అందించే ఫొటోలు, వీడియోలు షేర్ చేస్తూ ఉంటుంది. తాజాగా త‌న ఇన్‌స్టాగ్రాములో పెట్ డాగ్స్‌తో దిగిన పిక్స్ షేర్ చేస్తూ.. వాటి పేరు నోబో అండ్ ఫ్లూటో అని చెప్పుకొచ్చింది. ఫొటోల‌లో పెట్స్‌తో పాటు సితార కూడా చాలా క్యూట్‌గా క‌నిపిస్తుండ‌గా, ఈ పిక్ నెటిజ‌న్స్‌ను ఎంత‌గానో ఆక‌ట్టుకుంటుంది.

సితార ఇప్ప‌టి వ‌ర‌కు వెండితెర‌కు ఎంట్రీ ఇవ్వ‌క‌పోయిన ఈ చిన్నారికి అశేష‌మైన ఫ్యాన్ ఫాలోయింగ్ ఉంది. త‌న సోష‌ల్ మీడియా పేజ్‌లో ఏదైన‌ పోస్ట్ పెట్టిందంటే అది నిమిషాల‌లో వైర‌ల్ అవుతుంది. సూపర్ స్టార్ మహేష్ బాబు కూతురిగా ప్రపంచానికి పరిచయమైన సితార.. తల్లి నమ్రత శిరోద్కర్ చలవతో ప్ర‌పంచ వ్యాప్తంగా ఫేమ‌స్ అయింది. ఎంతో ఎన‌ర్జిటిక్‌గా క‌నిపించే సీతూ పాప ఇండ‌స్ట్రీలోని స్టార్స్ పిల్ల‌లంద‌రి క‌న్నా కూడా చాలా ఫేమ‌స్ అనే విష‌యం మ‌నంద‌రికి తెలిసిందే.