Congress councilors resign | మంత్రి జూపల్లి, ఎంపీ మల్లు రవి పోకడలకు నిరసనగా ఏడుగురు కాంగ్రెస్‌ కౌన్సిలర్ల రాజీనామా

Congress councilors resign | జిల్లాలోని అయిజ మున్సిపాలిటీ లో కాంగ్రెస్‌ పార్టీకి చెందిన ఏడుగురు కౌన్సిలర్లు పార్టీ సభ్యత్వానికి రాజీనామా చేశారు.

జోగులాంబ గద్వాల : జిల్లాలోని అయిజ మున్సిపాలిటీ ( Aija municipality ) లో కాంగ్రెస్‌ పార్టీకి చెందిన ఏడుగురు కౌన్సిలర్లు (Congress Councilors ) పార్టీ సభ్యత్వానికి రాజీనామా చేశారు. ప్రముఖ పార్టీకి చెందిన కౌన్సిలర్లకు మంత్రి జూపల్లి కృష్ణారావు, ఎంపీ మల్లురవి వత్తాసు పలుకుతున్నారని ఆరోపిస్తూ పీసీసీ అధ్యక్షుడు మహేశ్‌కుమార్‌ గౌడ్‌కు రాజీనామా లేఖను పంపారు.

రాజీనామా చేసిన వారిలో 19వ వార్డు కౌన్సిలర్‌ మాస్టర్‌ షేకావలి, 16వ వార్డు కౌన్సిలర్‌ మద్దిలేటి, 10వ వార్డు కౌన్సిలర్‌ తెలుగు టి రాధమ్మ, 5వ వార్డు కౌన్సిలర్‌ యుగంధర్‌, 3వ వార్డు కౌన్సిలర్‌ ఎస్‌. సంతోషమ్మ, 20వ వార్డు కౌన్సిలర్‌ ఫర్హీన్‌ తబస్సుం, 15వ వార్డు కౌన్సిలర్‌ సులోచనమ్మ ఉన్నారు.