Sarfaraz Khan : దేశవాళీ క్రికెట్లో పరుగుల వీరుడుగా పేరొందిన సర్ఫరాజ్ ఖాన్(Sarfaraz Khan) కల నిజమైంది. సుదీర్ఘ నిరీక్షణ తర్వాత భారత జట్టు తరఫున తొలి టెస్టు మ్యాచ్(Test Match) ఆడే చాన్స్ దక్కింది. ఇంగ్లండ్తో జరుగుతున్న రాజ్కోట్ టెస్టు(Rajkot Test)లో సర్ఫరాజ్ అరంగేట్రం చేశాడు. లెజెండరీ స్పిన్నర్ అనిల్ కుంబ్లే (Anil Kumble) చేతుల మీదుగా ఈ యంగ్స్టర్ డెబ్యూ క్యాప్ అందుకున్నాడు.
తద్వారా టీమిండియా తరఫున టెస్టుల్లో ఆరంగేట్రం చేసిన 311వ ఆటగాడిగా సర్ఫరాజ్ నిలిచాడు. కొడుకు భారత జట్టు టోపీ అందుకోవడంతో అతడి తండ్రి నౌషద్ ఖాన్ (Naushad Khan) భావోద్వేగానికి లోనయ్యాడు. సర్ఫరాజ్ను గట్టిగా కౌగిలించుకొని ముద్దు పెట్టాడు.
Wholesome moments in Rajkot ❤️🥺
How excited are you to see Sarfaraz Khan & Dhruv Jurel 🧤 in the 3rd #INDvENG Test?#BazBowled #JioCinemaSports #TeamIndia #IDFCFirstBankTestSeries pic.twitter.com/r7VLxGTBxT
— JioCinema (@JioCinema) February 15, 2024
ఎట్టకేలకు తన కొడుకు టీమిండియా జెర్సీ వేసుకోవడం చూసి నౌషద్ సంతోషంతో కన్నీళ్లు పెట్టుకున్నాడు. ఆ పక్కనే ఉన్న సర్ఫరాజ్ భార్య కూడా ఆ భావోద్వేగానికి లోనై కంటతడి పెట్టుకుంది. దాంతో, అతడు ఆమె కండ్లు తుడిచి హత్తుకున్నాడు. ఈ దృశ్యం స్టేడియంలోని ప్రతి ఒక్కరిని కదిలించింది.
From The Huddle! 🔊
A Test cap is special! 🫡
Words of wisdom from Anil Kumble & Dinesh Karthik that Sarfaraz Khan & Dhruv Jurel will remember for a long time 🗣️ 🗣️
You Can Not Miss This!
Follow the match ▶️ https://t.co/FM0hVG5X8M#TeamIndia | #INDvENG | @dhruvjurel21 |… pic.twitter.com/mVptzhW1v7
— BCCI (@BCCI) February 15, 2024
సర్ఫరాజ్ తమ్ము డు ముషీర్ ఖాన్(Musheer Khan) సైతం జూనియర్ స్థాయిలో అదరగొడుతున్నాడు. అండర్ -19 వరల్డ్ కప్లో పరుగుల వరద పారించాడు. వరుసగా రెండు సెంచరీలతో టీమిండియా ఫైనల్ చేరడంలో కీలక పాత్ర పోషించాడు.
సర్ఫరాజ్, ముషీర్ ఖాన్
పేదింట్లో పుట్టిన సర్ఫరాజ్ క్రికెటర్ అయ్యేందుకు ఎంతో కష్టపడ్డాడు. పిల్లల కలను నిజం చేసేందుకు నౌషద్ సర్వ శక్తులు ఒడ్డాడు. తండ్రి తమపై పెట్టుకున్న నమ్మకాన్ని నిజం చేస్తూ.. సర్ఫరాజ్ దేశవాళీలో దుమ్మురేపాడు. ముంబై తరఫున సెంచరీ మీద సెంచరీలు బాదుతూ సెలెక్టర్ల దృష్టిలో పడ్డాడు. అయితే.. పలు సందర్భాల్లో అతడికి నిరాశే ఎదురైంది. శ్రేయస్ అయ్యర్, సర్ఫరాజ్