500కోట్ల బడ్జెట్‌తో పునర్జన్మల కథ

‘జవాన్‌' చిత్రంతో బాలీవుడ్‌ పరిశ్రమ దృష్టిని ఆకర్షించారు తమిళ దర్శకుడు అట్లీ. ప్రస్తుతం ఆయన సల్మాన్‌ఖాన్‌తో భారీ పాన్‌ ఇండియా చిత్రానికి సిద్ధమవుతున్నారు. పునర్జన్మల నేపథ్య కథాంశంతో సాగే పీరియాడిక్‌ యాక్షన్‌ ఎంటర్‌టైనర్‌ ఇది. తాజా సమాచారం ప్రకారం ఈ చిత్రానికి 500కోట్లకుపైగా బడ్జెట్‌ను ఖర్చు పెట్టబోతున్నారట.

‘జవాన్‌’ చిత్రంతో బాలీవుడ్‌ పరిశ్రమ దృష్టిని ఆకర్షించారు తమిళ దర్శకుడు అట్లీ. ప్రస్తుతం ఆయన సల్మాన్‌ఖాన్‌తో భారీ పాన్‌ ఇండియా చిత్రానికి సిద్ధమవుతున్నారు. పునర్జన్మల నేపథ్య కథాంశంతో సాగే పీరియాడిక్‌ యాక్షన్‌ ఎంటర్‌టైనర్‌ ఇది. తాజా సమాచారం ప్రకారం ఈ చిత్రానికి 500కోట్లకుపైగా బడ్జెట్‌ను ఖర్చు పెట్టబోతున్నారట. ‘దర్శకుడు అట్లీ ఈ సినిమా కోసం ఓ సరికొత్త ఫాంటసీ ప్రపంచాన్ని సృష్టించబోతున్నారు. ముఖ్యంగా పునర్జన్మలకు సంబంధించిన ఎపిసోడ్‌ హైలైట్‌గా నిలుస్తుంది. అందుకోసం భారీ వ్యయం అవసరమవుతుంది. సల్మాన్‌ఖాన్‌ కెరీర్‌లోనే హయ్యెస్ట్‌ బడ్జెట్‌ ఫిల్మ్‌ ఇది’ అని చిత్రబృందం పేర్కొంది. ఈ సినిమాలో రజనీకాంత్‌ కీలక పాత్రను పోషించబోతున్నారని వార్తలు వినిపిస్తున్నాయి. ప్రస్తుతం సల్మాన్‌ఖాన్‌ ‘సికందర్‌’ షూటింగ్‌లో బిజీగా ఉన్నారు. దీని తర్వాత అట్లీ డైరెక్ట్‌ చేసే సినిమా పట్టాలెక్కనుంది.