Niranjan Reddy | ఆంధ్రాకు నీళ్లు దోచిపెట్టిన పాపాత్ముడు రేవంత్ రెడ్డి : మాజీ మంత్రి నిరంజన్‌ రెడ్డి

Niranjan Reddy | రాష్ట్రంలోని రైతాంగానికి సకాలంలో నీళ్లందించకుండా పంటలను ఎండబెట్టి ఆంధ్రా ( Andhra ) కు నీళ్లందించిన పాపాత్ముడు సీఎం రేవంత్‌ రెడ్డి అని మాజీ మంత్రి నిరంజన్‌ రెడ్డి ( Niranjan Reddy ) ఆరోపించారు.

మహబూబ్‌ నగర్‌ : రాష్ట్రంలోని రైతాంగానికి సకాలంలో నీళ్లందించకుండా పంటలను ఎండబెట్టి ఆంధ్రా ( Andhra ) కు నీళ్లందించిన పాపాత్ముడు సీఎం రేవంత్‌ రెడ్డి అని మాజీ మంత్రి నిరంజన్‌ రెడ్డి ( Niranjan Reddy ) ఆరోపించారు. గోపాల్ పేట మండలం బుద్దారం గ్రామం పాటిగడ్డ తండాలో కాంగ్రెస్ వార్డు సభ్యుడు రాములు నాయక్ ఎండిన వరిపంటలను ఆయన పరిశీలించి రైతును ఓదార్చారు.

ఈ సందర్భంగా రైతుకు వ్యక్తిగతంగా రూ. 5వేలు ఆర్థిక సహాయం అందించారు. ఆయన మాట్లాడుతూ అడగకున్న అనేక సంక్షేమ పథకాలు అందించిన ఆత్మబంధువు కేసీఆర్‌( KCR ) అని కొనియాడారు. రైతులు అరచిగీపెట్టినా, హరిగోస పడుతున్నా కరెంటు ఇవ్వని అసమర్థ ప్రభుత్వమని ఘాటుగా విమర్శించారు. నీటి లభ్యత ఉన్నా ఆంధ్రా ప్రయోజనాల కోసం శ్రీశైలం నుంచి 110 టీఎంసీ నీళ్లు ఆంధ్రాకు దోచి పెట్టారని ఆగ్రహం వ్యక్తం చేశారు.

రాములు నాయక్ మాట్లాడుతూ తన పంట ఎండి బాధపడుతుంటే ఒక్క కాంగ్రెస్ నాయకులు పరామర్శించిన పాపాన పోలేదని , నిరంజన్ రెడ్డి ధైర్యం నింపి రూ. 5వేలు ఆర్థిక సహాయం చేసినందుకు కృతజ్ఞతలు తెలిపారు. ఈ కార్యక్రమంలో బీఆర్‌ఎస్‌ నాయకులు తిరుపతయ్య, జంప్లా నాయక్ తదితరులు పాల్గొన్నారు.