చిన్న వ్యాపారులకు పెద్ద ప్లాన్లు

• పోటీ సంస్థలతో పోల్చితే చౌకగా తెచ్చిన జియో

న్యూఢిల్లీ, మార్చి 9: దేశంలోని సూక్ష్మ, చిన్న, మధ్యతరహా వ్యాపారుల (ఎంఎస్‌ఎంబీ) కోసం సరికొత్త టారిఫ్‌ ప్లాన్లను రిలయన్స్‌ జియో మంగళవారం ఆవిష్కరించింది. బ్రాడ్‌బాండ్‌, వాయిస్‌ కాల్స్‌, వీడియో కాన్ఫరెన్సింగ్‌ యాప్‌లు, ఇతర డిజిటల్‌ సొల్యూషన్స్‌తో ఈ ప్లాన్లను అందుబాటులోకి తెచ్చింది. మార్కెట్‌లో ప్రస్తుతం లభిస్తున్న ఇతర టెల్కోల ప్లాన్లతో పోల్చితే తమ ప్లాన్‌ ధరలు పదో వంతు మాత్రమేనని జియో డైరెక్టర్‌ ఆకాశ్‌ అంబానీ తెలిపారు. ఇక మొత్తం ఏడు రకాల బండిల్డ్‌ ప్లాన్లను జియో పరిచయం చేసింది. భాగస్వాములతో కలిసి జియో ఎలాంటి అదనపు ఖర్చు లేకుండా ఈ సులువైన డిజిటల్‌ సొల్యూషన్స్‌ను అందించనున్నది. దేశవ్యాప్తంగా 5 కోట్ల ఎంఎస్‌ఎంబీలకు ఈ ప్లాన్లు చేరువ కావాలన్న లక్ష్యంతో ముందుకెళ్తున్నట్లు సంస్థ తెలిపింది. ప్రపంచం డిజిటలైజేషన్‌ వైపు పరుగులు పెడుతున్న నేపథ్యంలో భారీ సంస్థలకు ధీటుగా చిరు వ్యాపారులూ నిలబడేందుకు తమ ప్లాన్లు దోహదం చేయగలవన్నది

• ప్రారంభ ధర నెలకు రూ.901గా ఉన్నది. ఇందులో అపరిమిత బ్రాడ్‌బాండ్‌ కనెక్టివిటీ (అప్‌లోడ్‌, డౌన్‌లోడ్‌ వేగం 100 ఎంబీపీఎస్‌) ఉంటుంది. అలాగే దేశంలోని ఎక్కడికైనా కాల్స్‌ చేసుకునేందుకు ఓ ఫోన్‌ కనెక్షన్‌ కూడా ఇస్తారు.
• ప్లాన్‌ గరిష్ఠ ధర రూ.10,001. సెకనుకు 1 గిగాబైట్‌ స్పీడ్‌తో బ్రాడ్‌బాండ్‌, ఎనిమిది లైన్ల వాయిస్‌ కాల్స్‌, మైక్రోసాఫ్ట్‌ ఆఫీస్‌ యాప్స్‌, జియోమీట్‌, మైక్రోసాఫ్ట్‌ టీమ్స్‌, తదితర ఇతర డివైజ్‌ల కోసం 25 లైసెన్సులుంటాయి.
• ఇతర ప్లాన్ల ధరలు రూ.1,201, రూ.2,001, రూ.3,001, రూ.5,001, రూ.7,001