భళా సింధు

ఫ్రెంచ్‌ ఓపెన్‌ సూపర్‌ 750 బ్యాడ్మింటన్‌ సిరీస్‌లో పీవీ సింధు తొలిరౌండ్‌ అదరగొట్టింది. మహిళల సింగిల్స్‌ ఫస్ట్‌ రౌండ్‌లో సింధు 21-14, 8-21, 23-21తో థాయ్‌లాండ్‌ షట్లర్‌ సుపనిద కేట్‌థాంగ్‌పై గెలిచి రెండో రౌండ్‌కు చేరింది. నరాలు తెగే ఉత్కంఠ నడుమ గంటకు పైగా సాగిన పోరులో తొలి గేమ్‌ను ఈజీగానే గెలుచుకున్న ఈ తెలుగు తేజం.. రెండో రౌండ్‌లో ప్రత్యర్థి పుంజుకోవడంతో వెనుకబడింది.

పారిస్‌: ఫ్రెంచ్‌ ఓపెన్‌ సూపర్‌ 750 బ్యాడ్మింటన్‌ సిరీస్‌లో పీవీ సింధు తొలిరౌండ్‌ అదరగొట్టింది. మహిళల సింగిల్స్‌ ఫస్ట్‌ రౌండ్‌లో సింధు 21-14, 8-21, 23-21తో థాయ్‌లాండ్‌ షట్లర్‌ సుపనిద కేట్‌థాంగ్‌పై గెలిచి రెండో రౌండ్‌కు చేరింది. నరాలు తెగే ఉత్కంఠ నడుమ గంటకు పైగా సాగిన పోరులో తొలి గేమ్‌ను ఈజీగానే గెలుచుకున్న ఈ తెలుగు తేజం.. రెండో రౌండ్‌లో ప్రత్యర్థి పుంజుకోవడంతో వెనుకబడింది.

అయితే నిర్ణయాత్మక మూడో గేమ్‌లో ఆమె ఒక దశలో 8-19తో వెనుకంజలో ఉంది. ఈ స్థితిలో ఒక ప్లేయర్‌ వరుసగా పాయింట్లు సాధించి మ్యాచ్‌ను దక్కించుకోవడం అసాధ్యమే. కానీ సింధు మాత్రం దీనిని సుసాధ్యం చేసింది. ఆ దశలో ఏదో పూనకం వచ్చినట్టుగా ఆడిన సింధు.. వరుసగా 11 పాయింట్లు సాధించి 19-19తో స్కోర్లను సమం చేసింది. ఆ తర్వాత మూడు గేమ్‌పాయింట్లతో మ్యాచ్‌ను ముగించింది. కాగా పురుషుల సింగిల్స్‌లో శ్రీకాంత్‌, లక్ష్యసేన్‌ ఫస్ట్‌ రౌండ్‌కే నిష్క్రమించగా ఉన్నతి హుడా, దేవికా కూడా తొలిరౌండ్‌ విఘ్నాన్ని దాటలేకపోయారు.