హైదరాబాద్‌కు రెండో విజయం

రంజీ ట్రోఫీ తాజా సీజన్‌లో హైదరాబాద్‌ రెండో విజయాన్ని నమోదుచేసింది. ఎలైట్‌ గ్రూప్‌-బీలో భాగంగా జరిగిన మ్యాచ్‌లో హైదరాబాద్‌.. ఆంధ్రాను 267 పరుగుల తేడాతో చిత్తుచేసి భారీ విజయాన్ని ఖాతాలో వేసుకుంది. బౌలర్లు చెలరేగడంతో రెండో ఇన్నింగ్స్‌లో ప్రత్యర్థి జట్టు బ్యాటర్లను 130 పరుగులకే కుప్పకూల్చింది. హైదరాబాద్‌ ఫస్ట్‌ ఇన్నింగ్స్‌లో 275 రన్స్‌ చేయగా రెండో ఇన్నింగ్స్‌ను 306/7 వద్ద డిక్లేర్‌ చేసింది.

• ఆంధ్రాపై గెలుపుతో గ్రూప్‌-బీలో అగ్రస్థానం

విజయవాడ: రంజీ ట్రోఫీ తాజా సీజన్‌లో హైదరాబాద్‌ రెండో విజయాన్ని నమోదుచేసింది. ఎలైట్‌ గ్రూప్‌-బీలో భాగంగా జరిగిన మ్యాచ్‌లో హైదరాబాద్‌.. ఆంధ్రాను 267 పరుగుల తేడాతో చిత్తుచేసి భారీ విజయాన్ని ఖాతాలో వేసుకుంది. బౌలర్లు చెలరేగడంతో రెండో ఇన్నింగ్స్‌లో ప్రత్యర్థి జట్టు బ్యాటర్లను 130 పరుగులకే కుప్పకూల్చింది. హైదరాబాద్‌ ఫస్ట్‌ ఇన్నింగ్స్‌లో 275 రన్స్‌ చేయగా రెండో ఇన్నింగ్స్‌ను 306/7 వద్ద డిక్లేర్‌ చేసింది. తొలి ఇన్నింగ్స్‌లో ఐదు వికెట్లు తీసి ఆంధ్రాను 184 రన్స్‌కే కట్టడిచేయడంలో కీలకపాత్ర పోషించిన స్పిన్‌ ఆల్‌రౌండర్‌ తనయ్‌ త్యాగరాజన్‌.. సెకండ్‌ ఇన్నింగ్స్‌లోనూ ఆరు (6/35) వికెట్లు పడగొట్టాడు. ఈ విజయంతో గ్రూప్‌-బీలో హైదరాబాద్‌ 13 పాయింట్లతో అగ్రస్థానానికి చేరుకుంది.