బహిష్టు వాయిదా మంచిదేనా?

గర్భాన్ని నిర్ధారించుకోవడానికి ఒకటే మార్గం.. వెంటనే రక్త పరీక్షలు చేయించుకోండి. ప్రెగ్నెన్సీకి సంబంధించి బ్లడ్‌ టెస్టులోనే.. హెచ్‌సీజీ (హ్యూమన్‌ క్రానిక్‌ గోనడోట్రోపిన్‌) టెస్ట్‌ అని చేస్తారు. ఆ పరీక్షలో పాజిటివ్‌ వస్తే గర్భిణి అని అర్థం. అలా కాకుండా నెగెటివ్‌ వస్తే ఏవో కారణాల వల్ల నెలసరి ఆగిందని అనుకోవచ్చు

నా వయసు పాతిక. నెలసరిరాక నెలన్నర దాటింది. గర్భం ధరించానని అనుమానం. మరో పది రోజుల్లో అన్నయ్య పెండ్లి. ఆ సమయంలో నెలసరి వస్తుందేమోనని భయంగా ఉంది. ఆ ఇబ్బంది లేకుండా.. బహిష్టు వాయిదా వేసే మాత్రలు వాడవచ్చా? సాధారణంగా నాకు నెలలోపు ఎప్పుడూ పీరియడ్స్‌ రాలేదు. ఇప్పుడేం చేయాలి?
– ఓ పాఠకురాలు

గర్భాన్ని నిర్ధారించుకోవడానికి ఒకటే మార్గం.. వెంటనే రక్త పరీక్షలు చేయించుకోండి. ప్రెగ్నెన్సీకి సంబంధించి బ్లడ్‌ టెస్టులోనే.. హెచ్‌సీజీ (హ్యూమన్‌ క్రానిక్‌ గోనడోట్రోపిన్‌) టెస్ట్‌ అని చేస్తారు. ఆ పరీక్షలో పాజిటివ్‌ వస్తే గర్భిణి అని అర్థం. అలా కాకుండా నెగెటివ్‌ వస్తే ఏవో కారణాల వల్ల నెలసరి ఆగిందని అనుకోవచ్చు. నెగెటివ్‌ వస్తే గర్భిణి కాదు కాబట్టి, నెలసరిని వాయిదా వేసే మందులు వాడవచ్చు. అసలు పీరియడ్స్‌ను వాయిదా వేయడం అవసరమా? మీరే ఆలోచించుకోండి.

అనవసరమైన వాటికి హార్మోన్‌ మాత్రలు వాడకూడదు. దీనివల్ల కాళ్లలో నెత్తురు గూడు కడుతుంది. దీన్ని వైద్యశాస్త్రంలో డీప్‌ వెయిన్‌ థ్రాంబోసిస్‌గా పిలుస్తారు. గూడు కట్టిన నెత్తురు విచ్ఛిన్నమైనప్పుడు రక్త నాళాల గుండా గుండెకు, మెదడుకు ప్రయాణిస్తుంది. ఇలా జరిగితే ప్రాణానికే ప్రమాదం. కాబట్టి గర్భిణి అయినా కాకపోయినా, నెలసరిని అడ్డుకునే మాత్రలు వాడకపోవడమే ఉత్తమం.
(వైద్య నిపుణుల సలహా కోసం మహిళా పాఠకులు తమ సమస్యల్ని zindagi@ntnews.com కు మెయిల్‌ చేయవచ్చు)

– డాక్టర్‌ పి. బాలాంబ సీనియర్‌ గైనకాలజిస్ట్‌