పవన్ కల్యాణ్ (Pawan Kalyan) గత నెలలో అస్వస్థతకు గురవడంతో చికిత్స నందించిన డాక్టర్లు విశ్రాంతి అవసరమని చెప్పారు. వారి సలహాలు, సూచనలు పాటించిన పవన్ కల్యాణ్ ప్రస్తుతం కోలుకున్నాడు. అయితే త్వరలోనే పవన్ కల్యాణ్ షూటింగ్కు రాబోతున్నాడని ఎదురుచూస్తున్న అభిమానులకు ఇంకా క్లారిటీ రావడం లేదు. ఈ నెలలో వినోధయ సీతమ్ రీమేక్ (Vinodhaya Sitham remake)ను షురూ చేయాల్సి ఉంది.
కానీ ఇప్పటివరకు షూటింగ్ షురూ కాలేదు. పవన్ ఇప్పటికీ సెట్స్కు తిరిగి రాకుండా వెయిటింగ్ మూడ్లో ఉన్నారని టాలీవుడ్ లో జోరుగా చర్చ నడుస్తోంది. ఇంతకీ పవన్ సెట్స్ లో ఎప్పుడు కనిపిస్తాడనేది కూడా సస్పెన్స్ గా మారింది. అంతేకాదు ఒకవేళ చిత్రీకరణ మొదలుపెడితే వినోధయ సీతమ్ రీమేక్ మొదలుపెడతాడా..? లేదంటే హరిహరవీరమల్లును (Hari Hara Veera Mallu) సెట్స్ లో తిరిగి జాయిన్ అవుతాడా..? అంటూ తెగ చర్చించుకుంటున్నారు సినీ జనాలు.
మరి రానున్న రోజుల్లోనైనా పవన్ కాంపౌండ్ నుంచి ఏదైనా అప్డేట్ వస్తుందేమో చూడాలి. పవన్ కల్యాణ్ మరోవైపు ఈ రెండు సినిమాలు పూర్తి చేసి..దసరా నుంచి పొలిటికన్ ప్లాన్ లో భాగంగా ఏపీలో బస్సు యాత్ర చేపట్టనున్నాడు. ఈ నేపథ్యంలో షూటింగ్ షెడ్యూల్ ఎలా ప్లాన్ చేస్తాడోనని ఆసక్తిగా ఎదురుచూస్తున్నారు ఫ్యాన్స్.