గోపురాల్లాంటి గోళ్ల కోసం..

గోళ్లు.. ఇప్పుడు ఫ్యాషన్‌ ఐకాన్‌గా మారాయి. అందంలో కీలకపాత్ర పోషిస్తున్నాయి. అయితే.. ఆరోగ్యంగా ఉంటేనే గోళ్లు అందంగా కనిపిస్తాయి. కానీ, పోషకాహారలోపం, కాలుష్యం, రసాయనాల వాడకం.. ఇలా అనేక కారణాలతో గోళ్లు జీవం కోల్పోతాయి. పెళుసుగా అయిపోయి.. అందవిహీనంగా మారిపోతాయి.

గోళ్లు.. ఇప్పుడు ఫ్యాషన్‌ ఐకాన్‌గా మారాయి. అందంలో కీలకపాత్ర పోషిస్తున్నాయి. అయితే.. ఆరోగ్యంగా ఉంటేనే గోళ్లు అందంగా కనిపిస్తాయి. కానీ, పోషకాహారలోపం, కాలుష్యం, రసాయనాల వాడకం.. ఇలా అనేక కారణాలతో గోళ్లు జీవం కోల్పోతాయి. పెళుసుగా అయిపోయి.. అందవిహీనంగా మారిపోతాయి. ఈ చిట్కాలు పాటిస్తే.. గోళ్లు అందంగా, ఆరోగ్యంగా తయారవుతాయి.

• గోళ్లు ఆరోగ్యంగా పెరగడానికి నిమ్మరసం, తేనె సాయపడతాయి. నిమ్మకాయ ముక్కకు కొద్దిగా తేనెను అద్దాలి. దానితో చేతులు, కాళ్ల గోళ్లపై ఐదారు నిమిషాలపాటు మెల్లగా రుద్దాలి. తర్వాత గోరువెచ్చని నీటితో కడిగేయాలి. నిమ్మరసంలో ఉండే విటమిన్‌ సి.. గోళ్లు త్వరగా పెరిగేలా చేస్తుంది. గోళ్లలో బ్యాక్టీరియా, శిలీంధ్రాల పెరుగుదలను తేనె నివారిస్తుంది. ఇన్ఫెక్షన్లు రాకుండా కాపాడుతుంది.
• గోళ్లకు వెల్లుల్లి నూనెతో మసాజ్‌ చేసినా.. మంచి ఫలితం కనిపిస్తుంది. వెల్లుల్లిలో ఉండే సెలీనియం.. గోళ్లు ఆరోగ్యంగా పెరగడానికి సాయపడుతుంది.
• రాత్రి పడుకునే ముందు గోరువెచ్చని కొబ్బరినూనెతో చేతులు, కాళ్ల గోళ్లపై మసాజ్‌ చేయాలి. కొబ్బరినూనెలో ఉండే విటమిన్‌ ఇ యాంటి ఆక్సిడెంట్‌గా పనిచేసి.. గోళ్ల ఆరోగ్యానికి భరోసా ఇస్తుంది.
• గోరు వెచ్చని పాలలో పది నిమిషాలపాటు గోళ్లను ఉంచితే.. మృదువుగా మారుతాయి. అందంగా కనిపిస్తాయి.