మా వ‌ల్ల ధ‌న‌వంతుల‌య్యారు గానీ మాకు ఓటేయ‌లేదు : మంత్రి శేఖ‌ర్ బాబు

త‌మిళ‌నాడు మంత్రి పీకే శేఖ‌ర్‌బాబు ఉత్త‌ర భార‌తీయుల‌పై వివాదాస్ప‌ద వ్యాఖ్య‌లు చేశారు.

May 26, 2021 / 09:59 PM IST

మా వ‌ల్ల ధ‌న‌వంతుల‌య్యారు గానీ మాకు ఓటేయ‌లేదు : మంత్రి శేఖ‌ర్ బాబు

చెన్నై : త‌మిళ‌నాడు మంత్రి పీకే శేఖ‌ర్‌బాబు ఉత్త‌ర భార‌తీయుల‌పై వివాదాస్ప‌ద వ్యాఖ్య‌లు చేశారు. డీఎంకే పార్టీ వల్లనే తమిళనాడులోని ఉత్తర భారతీయులు ధనవంతులు అవుతున్నారని, అయితే ఎన్నికల్లో మాత్రం మాకు ఓటు వేయ‌కుండా బీజేపీకి ఓటు వేశారని మంత్రి శేఖ‌ర్‌ బాబు అన్నారు. మంత్రి ప్ర‌క‌ట‌న ముఖ్య‌మంత్రి ఎంకే స్టాలిన్‌కు త‌ల‌నొప్పిగా మార‌నున్న‌ది.

బుధ‌వారం చెన్నైలోని ఒక కార్యక్రమానికి హాజ‌రైన‌ శేఖర్ బాబు మాట్లాడుతూ.. తమిళనాడులో నివసిస్తున్న ఉత్తర భారతీయులు డీఎంకే ప్రయత్నాల వల్ల సంపాదించి ధనవంతులు అయ్యారని, అయితే వారు ఎన్నికల సమయంలో బీజేపీకి ఓటు వేశారని అన్నారు. ఇప్ప‌డే కాదు వారు 2011 నుంచి ఇప్ప‌టివ‌ర‌కు మ‌న పార్టీకి ఓటేయ‌డం లేదన్నారు. మ‌న‌కు ఓటేయ‌న‌ప్ప‌టికీ వారికి స‌హాయ‌ప‌డండి.. వారు అప‌రాధ‌భావంతో సిగ్గుప‌డేలా చేయండి అని పిలుపునిచ్చారు. వారు ఎప్ప‌టికైనా త‌మ త‌ప్పుల‌ను గ్ర‌హించి సిగ్గుప‌డ‌తార‌ని చెప్పారు. శేఖ‌ర్ బాబు స్టాలిన్ మంత్రివ‌ర్గంలో ఎండోమెంట్స్ మినిస్ట‌ర్‌గా ఉన్నారు.