పాల ధరల పెంపుతో స్వీట్ల ధరలకు రెక్కలు

దేశవ్యాప్తంగా పాల ధరలు భారీగా పెరగడంతో ఈ దీపావళి స్వీట్లు ప్రియమయ్యాయి. గత ఏడాది కాలంలో డెయిరీ సంస్థలు పాల ధరలను 17 శాతం వరకు పెంచాయి. ఫలితంగా పాలు, పెరుగు, నెయ్యి, వెన్న, ఐస్‌క్రీమ్‌ వంటి ఉత్పత్తుల ధరలు కూడా పెరిగాయి. ముఖ్యంగా పండుగల సమయంలో స్వీట్లకు డిమాండ్‌ అధికంగా ఉండటంతో దేశంలోని ప్రధాన నగరాల్లో వాటి ధరలు 15 నుంచి 30 శాతం వరకు పెరిగాయి. పాల ధరల పెరుగుదలకు ఐస్‌క్రీమ్‌ తయారీ సంస్థల ముందస్తు నిల్వలు కూడా ఒక కారణంగా మారాయి.

• ఏడాది వ్యవధిలో 17% పెరుగుదల

న్యూఢిల్లీ: దేశవ్యాప్తంగా పాల ధరలు భారీగా పెరగడంతో ఈ దీపావళి స్వీట్లు ప్రియమయ్యాయి. గత ఏడాది కాలంలో డెయిరీ సంస్థలు పాల ధరలను 17 శాతం వరకు పెంచాయి. ఫలితంగా పాలు, పెరుగు, నెయ్యి, వెన్న, ఐస్‌క్రీమ్‌ వంటి ఉత్పత్తుల ధరలు కూడా పెరిగాయి. ముఖ్యంగా పండుగల సమయంలో స్వీట్లకు డిమాండ్‌ అధికంగా ఉండటంతో దేశంలోని ప్రధాన నగరాల్లో వాటి ధరలు 15 నుంచి 30 శాతం వరకు పెరిగాయి. పాల ధరల పెరుగుదలకు ఐస్‌క్రీమ్‌ తయారీ సంస్థల ముందస్తు నిల్వలు కూడా ఒక కారణంగా మారాయి. మరోవైపు ముడి చమురు ధరలు పెరగడంతో రవాణా ఖర్చులు అధికమయ్యాయి. పశువుల దాణాకు ఉపయోగించే మక్కజొన్న ఆధారిత పశువుల మేత ధరలు 75 శాతం పెరిగాయి. ఈ భారాన్ని డెయిరీ సంస్థలు వినియోగదారులపై మోపుతున్నాయి. ప్రపంచ పాల ఉత్పత్తిలో భారత్‌ వాటా 25 శాతం ఉన్నప్పటికీ, ఉత్పత్తి వ్యయాలు ధరలపై ప్రభావం చూపుతున్నాయి.