న్యూ సౌత్ వేల్స్ పాఠశాలల్లో కిర్పాన్‌పై నిషేధం

సిక్కులు సాంప్ర‌దాయంగా ధ‌రించే కిర్పాన్‌పై ఆస్ట్రేలియాలోని న్యూసౌత్ వేల్స్ పాఠ‌శాల‌ల్లో నిషేధం విధంచారు

May 18, 2021 / 09:38 PM IST

న్యూ సౌత్ వేల్స్ పాఠశాలల్లో కిర్పాన్‌పై నిషేధం

సిడ్నీ: సిక్కులు సాంప్ర‌దాయంగా ధ‌రించే కిర్పాన్‌పై ఆస్ట్రేలియాలోని న్యూసౌత్ వేల్స్ పాఠ‌శాల‌ల్లో నిషేధం విధంచారు. ఇటీవ‌ల‌ కత్తిపోటు సంఘటన అనంత‌రం ఈ నిర్ణయం తీసుకున్న‌ట్లు అక్క‌డి అధికారులు తెలిపారు. సిడ్నీలోని గ్లెన్‌వుడ్ హైస్కూల్‌లో 14 ఏళ్ల బాలుడు 16 ఏళ్ల మ‌రో యువ‌కుడిని కిర్పాన్‌తో పొడిచి చంపిన‌ట్లు తేల‌డంతో ఈ నిషేధం విధిస్తున్న‌ట్లు ఎన్‌ఎస్‌డబ్ల్యు విద్యా మంత్రి సారా మిచెల్ ప్రకటించారు.

కిర్పాన్ అనేది ఒక చిన్న వంగిన ఆకారంలో ఉండే కత్తి. ఇది తమను తాము రక్షించుకోవడం లేదా ప్రమాదంలో ఉన్నవారికి సహాయం చేయడం కోసం సిక్కులు ధ‌రిస్తుంటారు.

ప్రస్తుతం విద్యార్థులను ఎన్‌ఎస్‌డబ్ల్యు పాఠశాలల్లో మతపరమైన కత్తులు తీసుకెళ్లడానికి అనుమతించే చట్టంలో లొసుగులు ఉన్నాయ‌ని, దానిపై ఇప్పుడు నిషేధం విధిస్తున్నామ‌ని తెలిపారు. శాసన మార్పులు తీసుకువచ్చే వరకు నిషేధం కొన‌సాగుతుందని ఆమె తెలిపారు. కిర్పాన్‌తో దాడి చేయ‌డం చాలా అరుదుగా జ‌రుగుతుంద‌ని, ఈ నిషేధం వార్తలతో స్థానిక సిక్కు సమాజం నిరాశకు గురైందని ఆమె పేర్కొన్నారు.