Hanumakonda | సీపీజీఈటీ కన్వీనర్‌గా కట్ల రాజేందర్‌ నియామకం

Hanumakonda | పోస్ట్‌ గ్రాడ్యూయేషన్‌(పి.జి.)లో ప్రవేశాలు పొందటానికి నిర్వహించే సీపీజీఈటీ-2026 కన్వీనర్‌గా కేయూ కామర్స్​‍అండ్‌ బిజినెస్ మేనేజ్‌మెంట్‌ విభాగం ప్రొఫెసర్‌ కట్ల రాజేందర్‌ను నియమించారు.

హనుమకొండ చౌరస్తా, ఏప్రిల్‌ 7: 2026-27 విద్యా సంవత్సరానికి తెలంగాణ రాష్ర్టవ్యాప్తంగా, పోస్ట్‌ గ్రాడ్యూయేషన్‌(పి.జి.)లో ప్రవేశాలు పొందటానికి నిర్వహించే సీపీజీఈటీ-2026 కన్వీనర్‌గా కేయూ కామర్స్​‍అండ్‌ బిజినెస్ మేనేజ్‌మెంట్‌ విభాగం ప్రొఫెసర్‌ కట్ల రాజేందర్‌ను నియమిస్తూ వైస్ ఛాన్సలర్‌ ప్రొఫెసర్‌ కర్నాటి ప్రతాప్‌రెడ్డి ఆదేశాల మేరకు రిజిస్ట్రార్‌ ప్రొఫెసర్‌ వల్లూరి రామచంద్రం ఉత్తర్వులు జారీ చేశారు.

రాజేందర్‌ గతంలో కామర్స్​‍కళాశాల ప్రిన్సిపాల్‌గా, పాఠ్య ప్రణాళిక అధ్యక్షుడిగా, ఖమ్మం పి.జి.కాలేజీ ప్రిన్సిపాల్‌గా, సెల్ఫ్‌ ఫైనాన్సు కోర్స్​‍ డైరెక్టర్‌గా, అదనపు పరీక్షల నియంత్రణాధికారిగా పనిచేశారు. ప్రస్తుతం రాజేందర్‌ విశ్వవిద్యాలయ పరీక్షల నియంత్రణ అధికారిగా, కామర్స్​‍ విభాగ డీన్‌గా వ్యవహరిస్తున్నారు. ఈ సందర్భంగా పలువురు బోధనా, బోధనేతర సిబ్బంది, పరిశోధకులు, విద్యార్థులు రాజేందర్‌ను అభినందించారు.