Nani | ప్రేక్షకుల్లో నేనూ ఒకడినే అనుకుంటా!.. మంచి కంటెంట్‌ ఉంటే తప్పకుండా థియేటర్లకు వస్తారు: నాని

‘ప్రేక్షకులు థియేటర్‌కు రావడం లేదనే మాటలు తరచుగా వినిపిస్తున్నాయి. మంచి కంటెంట్‌ ఉన్న సినిమాలు తీస్తే వారు తప్పకుండా థియేటర్లకు వస్తారు. ‘హిట్‌-3’ అడ్వాన్స్‌ బుకింగ్‌ చూస్తుంటే ఆడియెన్స్‌ ఈ సినిమా చూడాలని ముందే ఫిక్సైపోయారనిపిస్తున్నది’ అన్నారు హీరో నాని. ఆయన తాజా చిత్రం ‘హిట్‌-3’ నేడు పాన్‌ ఇండియా స్థాయిలో ప్రేక్షకుల ముందుకురానుంది.

Nani | ‘ప్రేక్షకులు థియేటర్‌కు రావడం లేదనే మాటలు తరచుగా వినిపిస్తున్నాయి. మంచి కంటెంట్‌ ఉన్న సినిమాలు తీస్తే వారు తప్పకుండా థియేటర్లకు వస్తారు. ‘హిట్‌-3’ అడ్వాన్స్‌ బుకింగ్‌ చూస్తుంటే ఆడియెన్స్‌ ఈ సినిమా చూడాలని ముందే ఫిక్సైపోయారనిపిస్తున్నది’ అన్నారు హీరో నాని. ఆయన తాజా చిత్రం ‘హిట్‌-3’ నేడు పాన్‌ ఇండియా స్థాయిలో ప్రేక్షకుల ముందుకురానుంది. ఈ సందర్భంగా బుధవారం ఆయన పాత్రికేయులతో ముచ్చటిస్తూ పంచుకున్న విశేషాలు..

• ‘హిట్‌-3’ ఇన్వెస్టిగేటివ్‌ థ్రిల్లర్‌. ఇందులో నేను పోలీసాఫీసర్‌ అర్జున్‌ సర్కార్‌ పాత్రలో కనిపిస్తా. దేశంలోని కొన్ని ప్రధాన నగరాల్లో ప్రమోషన్‌ కార్యక్రమాల్ని నిర్వహించాం. అంతటా పాజిటివ్‌ రెస్పాన్స్‌ లభించింది. ఈ సినిమా చూడాలని ఆడియెన్స్‌ ముందే ఫిక్సైపోయారనిపించింది. ‘హిట్‌-3’ యాక్షన్‌, వయొలెన్స్‌ కలబోసిన కథ. ఈ సీక్వెల్‌లోని రెండు భాగాలతో పోల్చితే చాలా ైస్టెలిష్‌గా ఉంటుంది. కథ డిమాండ్‌ మేరకే వయొలెన్స్‌ను చూపించాం. అంతేకాని కేవలం వయొలెన్స్‌ కోసం సినిమా తీయలేదు.
• ఫ్యామిలీ కథల నుంచి వయొలెన్స్‌ జోనర్‌కు ఎందుకు షిఫ్ట్‌ అయ్యావని చాలా మంది అడుగుతున్నారు. ప్రతి సినిమాను నేను కొత్త జోనర్‌లో చేయాలని ప్రయత్నం చేస్తాను. హాయ్‌ నాన్న, జెర్సీ, దసరా..ఇప్పుడు ‘హిట్‌-3’ ఇలా వేటికవే డిఫరెంట్‌ కాన్సెప్ట్స్‌తో సినిమాలు చేస్తున్నా. ఈ ప్రక్రియను నేను మార్పులా చూడటం లేదు. కెరీర్‌ ముందుకుసాగుతున్న కొద్దీ కొత్త కథలను ఎంచుకుంటున్నా. వయసు పెరుగుతుంది కాబట్టి ప్రేమకథలకు దూరంగా ఉంటున్నా.
• ఈ సినిమాలో వయొలెన్స్‌ ప్రేక్షకుల్ని డిస్టర్బ్‌ చేయదు. ఎంజాయ్‌ చేసేలా ఉంటుంది. ఓ లక్ష్యం కోసం పోలీస్‌ అధికారి చేసే దుష్ట సంహారం కథలోని హింసను కన్విన్స్‌ చేసేలా అనిపిస్తుంది. సంగీత దర్శకుడు మిక్కీ జే మేయర్‌ ఇప్పటివరకు థ్రిల్లర్‌ సినిమాలకు పనిచేయలేదు. ఆయన ఈ కథకు వర్క్‌ చేస్తే ఆ సౌండింగ్‌ చాలా కొత్తగా ఉంటుందని భావించాం. అనుకున్న విధంగానే బ్యాక్‌గ్రౌండ్‌ స్కోర్‌ సినిమాకు కొత్త ఫీల్‌ని తీసుకొచ్చింది.
• నటుడిగా నా వృత్తిని పరిపూర్ణంగా ఆస్వాదిస్తాను. అందుకే ఇలాంటి ఇంటెన్స్‌ క్యారెర్టర్‌ చేసినా ఏమాత్రం కష్టమనిపించలేదు. మనం చేసే పనిలో ఎక్సైట్‌మెంట్‌ ఉంటే అస్సలు కష్టంగా అనిపించదు. ఇక ఇండస్ట్రీలోని నెంబర్‌గేమ్‌, వసూళ్ల్ల రికార్డులపై నాకు అంతగా నమ్మకం లేదు. ఆ విషయాల్లో నేను కాస్త వీక్‌ (నవ్వుతూ).
• నటుడిగా, నిర్మాతగా నాకు సక్సెస్‌ పర్సంటేజ్‌ ఎక్కువ అని చాలా మంది చెబుతున్నారు. సినిమాను బాగా ప్రేమిస్తూ, నిజాయితీగా పనిచేయడం వల్లే నాపై ప్రేక్షకులకు ఓ నమ్మకం ఏర్పడింది. ప్రేక్షకుల్లో నేను కూడా ఓ భాగమే అనే భావనతో సినిమాలు చేస్తున్నాను. అందుకే మంచి ఫలితాలు వస్తున్నాయనుకుంటున్నా. ఇక శ్రీకాంత్‌ ఓదెల దర్శకత్వంలో చేస్తున్న ‘ప్యారడైజ్‌’ చిత్రం ఎపిక్‌ స్కేల్‌లో ఉంటుంది.