Weekly Horoscope | ఈ వారం రాశి ఫలాలు ఎలా ఉన్నాయంటే..?

వాహనం, భూముల కొనుగోలులో జాగ్రత్త అవసరం. ఉద్యోగులకు స్థానచలనం, పదోన్నతి సూచన. అందరి సహకారం లభిస్తుంది. ఆదాయం స్థిరంగా ఉంటుంది. వ్యాపారులకు అదృష్టం కలిసివస్తుంది.

మేషం
వాహనం, భూముల కొనుగోలులో జాగ్రత్త అవసరం. ఉద్యోగులకు స్థానచలనం, పదోన్నతి సూచన. అందరి సహకారం లభిస్తుంది. ఆదాయం స్థిరంగా ఉంటుంది. వ్యాపారులకు అదృష్టం కలిసివస్తుంది. నూతన ఒప్పందాలకు అనుకూల సమయం. పలుకుబడి కలిగిన వ్యక్తులతో పరిచయాలు ఏర్పడతాయి. శుభకార్య ప్రయత్నాలు ముందుకుసాగుతాయి. న్యాయపరమైన చిక్కులను అధిగమిస్తారు. ఆరోగ్యం మెరుగ్గా ఉంటుంది. నరసింహస్వామి ఆలయాన్ని సందర్శించడం వల్ల శుభం కలుగుతుంది.

వృషభం
ఉద్యోగులకు పై అధికారులతో సఖ్యత నెలకొంటుంది. స్నేహితులు, బంధువులతో పనులు నెరవేరుతాయి. అన్నదమ్ముల మధ్య మంచి అవగాహన ఉంటుంది. ప్రారంభించిన పనులను పట్టుదలతో పూర్తిచేస్తారు. వృత్తి, వ్యాపారాలు లాభసాటిగా కొనసాగుతాయి. ఆరోగ్యంగా ఉంటారు. శుభకార్య ప్రయత్నాలు అనుకూలిస్తాయి. సమస్యలను అనుకూలంగా మలుచుకుంటారు. ఆధ్యాత్మిక, ధార్మిక పనులలో పాల్గొంటారు. వారాంతంలో ఓ శుభవార్త వింటారు. దత్తాత్రేయస్వామి ఆరాధన శుభప్రదం.

మిథునం
అనుకోని పనులు ముందుకు వస్తాయి. తద్వారా ఖర్చులు ఉంటాయి. అందుకు తగ్గ ఆర్థిక వనరులు సమకూరుతాయి. వ్యాపారులకు మంచి సమయం. కష్టానికి తగిన ప్రతిఫలం పొందుతారు. అనవసరమైన చర్చలకు దూరంగా ఉండటం మంచిది. విహార యాత్రలకు వెళ్తారు. వ్యాపారులకు మిశ్రమంగా ఉంటుంది. నూతన పెట్టుబడుల విషయంలో తొందరపాటు తగదు. ఆరోగ్యంపై శ్రద్ధ వహించడం అవసరం. వారాంతంలో ఒక వార్త ఉత్సాహాన్నిస్తుంది. సూర్యారాధన మేలు చేస్తుంది.

కర్కాటకం
ఉద్యోగులకు మంచి సమయం. అధికారుల మన్ననలు అందుకుంటారు. పదోన్నతి అవకాశం ఉంది. కొత్త పరిచయాలతో పనులు పూర్తవుతాయి. కొత్త దుస్తులు, వాహనం కొనుగోలు చేస్తారు. భూ లావాదేవీల్లో ఏమరుపాటు తగదు. వ్యాపారులకు అదృష్టం కలిసివస్తుంది. కొత్త పెట్టుబడులకు ఇది తగిన సమయం. ఆధ్యాత్మిక కార్యక్రమాల్లో చురుగ్గా పాల్గొంటారు. శుభకార్య ప్రయత్నాలు సఫలం అవుతాయి. ఆరోగ్యం మెరుగ్గా ఉంటుంది. ప్రయాణాల వల్ల లబ్ధి పొందుతారు. ఆంజనేయస్వామి ఆరాధన వల్ల శుభఫలితాలు కలుగుతాయి.

సింహం
ఆరోగ్యం మెరుగవుతుంది. ఉల్లాసంగా పనులు చేస్తారు. ఉద్యోగులకు పదోన్నతి, స్థానచలన సూచన. రాజకీయ, ప్రభుత్వ పనులు నెరవేరుతాయి. న్యాయ సమస్యలు తీరుతాయి. తాత్కాలిక వ్యాపార ఒప్పందాలు కలిసివస్తాయి. దీర్ఘకాలిక పనులలో ఆటంకాలు రావచ్చును. అన్నదమ్ములు, బంధువర్గంతో ఆప్యాయంగా ఉంటారు. దూర ప్రయాణాలు అనుకూలిస్తాయి. భవిష్యత్‌ ప్రణాళికలు సిద్ధం చేసుకుంటారు. శ్రమకు తగిన ప్రతిఫలం లభిస్తుంది. శివారాధన వల్ల శుభఫలితాలు అధికమవుతాయి.

కన్య
వృత్తి, వ్యాపారాలు అనుకూలిస్తాయి. తలపెట్టిన పనులు అనుకున్న సమయంలో పూర్తవుతాయి. విద్యార్థులు పై చదువుల కోసం చేసే ప్రయత్నాలు ఫలిస్తాయి. ఆర్థికంగా కలిసివస్తుంది. వివాహాది శుభకార్య ప్రయత్నాలు ఫలిస్తాయి. గృహ నిర్మాణం, మరమ్మతుల మూలంగా ఖర్చులు పెరగవచ్చు. వ్యాపార భాగస్వాముల మధ్య అవగాహన పెరుగుతుంది. కష్టానికి తగిన ప్రతిఫలాన్ని పొందుతారు. ఉద్యోగులు సంతృప్తిగా ఉంటారు. సహోద్యోగుల సహకారం లభిస్తుంది. అన్ని విధాలుగా అనుకూలమైన సమయం. రామాలయ దర్శనం మేలు చేస్తుంది.

తుల
మంచి అవకాశాలు వస్తాయి. సమయస్ఫూర్తితో స్పందించండి. మానసికంగా సంతృప్తిగా ఉంటారు. శారీరక శ్రమ పెరగవచ్చు. బంధుమిత్రులతో కొన్ని పనులు నెరవేరుతాయి. ఆర్థిక విషయాలలో జాగ్రత్త అవసరం. ఓపికతో పనులను పూర్తిచేయాల్సి వస్తుంది. వ్యాపారం పురోగతి సాధిస్తుంది. లావాదేవీలు లాభదాయకంగా కొనసాగుతాయి. కోర్టు సమస్యలు తీరుతాయి. ఆలోచించి నిర్ణయాలు తీసుకుంటారు. రావలసిన డబ్బు చేతికి అందడంలో ఆలస్యం జరుగుతుంది. శివారాధన శుభప్రదం.

వృశ్చికం
శుభకార్యాలు చేస్తారు. కొన్ని ఆర్థిక ఇబ్బందులు ఎదురైనా బంధువర్గం, ఆత్మీయుల సహకారం లభిస్తుంది. ప్రయాణాలు కలిసి వస్తాయి. ఆస్తి తగాదాలు పరిష్కారం అవుతాయి. కొత్త వాహనం కొనుగోలు చేస్తారు. పనులపై శ్రద్ధ నిలుపుతారు. నలుగురికి సాయపడతారు. ఉద్యోగ ప్రయత్నాలు ఫలిస్తాయి. మంచి ఉద్యోగంలో చేరే అవకాశం ఉంది. సమాజంలో గౌరవ మర్యాదలు లభిస్తాయి. న్యాయపరమైన ఆటంకాలను అధిగమిస్తారు. సత్ఫలితాలు పొందుతారు. సుబ్రహ్మణ్యస్వామి ఆలయాన్ని సందర్శించండి.

ధనుస్సు
ఆదాయం స్థిరంగా ఉంటుంది. ఆస్తుల మూలంగా రాబడి పెరుగుతుంది. వివాహాది శుభకార్య ప్రయత్నాలకు స్నేహితుల సహకారం లభిస్తుంది. పనిలో బాధ్యతలు పెరుగుతాయి. వృథా ఖర్చులు ఉండవచ్చు. దూర ప్రయాణాలు అనుకూలిస్తాయి. అలసట లేకుండా పనులు చేస్తారు. బంధుమిత్రులతో స్నేహంగా ఉంటారు. భూ వ్యవహారాలు లాభిస్తాయి. వాహనం కొనుగోలు చేస్తారు. కుటుంబసభ్యులతో సంతోషంగా ఉంటారు. కొత్త దుస్తులు కొనుగోలు చేస్తారు. సూర్యారాధన వల్ల మేలు కలుగుతుంది.

మకరం
కొత్త ఉద్యోగంలో చేరతారు. ఉత్సాహంతో పనులు చేస్తారు. ఆరోగ్యం నిలకడగా ఉంటుంది. ఆలోచించి పనులు చేపడతారు. చాలాకాలంగా ఉన్న సమస్యలు పరిష్కారం అవుతాయి. దూర ప్రయాణాలు వాయిదా వేసుకోవడం మంచిది. పనిభారం పెరగడంతో కొంత అలసటకు గురవుతారు. బంధుమిత్రులతో పనులు నెరవేరుతాయి. వివాదాలు రాకుండా చూసుకోవడం మంచిది. భూ లావాదేవీల్లో కాలయాపన ఉంటుంది. దాయాదులతో మాటపట్టింపులు ఉండవచ్చు. దక్షిణామూర్తిని ఆరాధించడం వల్ల ప్రయోజనం పొందుతారు.

కుంభం
వివాహాది శుభకార్యాలు చేస్తారు. ప్రారంభించిన పనులు సకాలంలో పూర్తవుతాయి. ఆదాయం స్థిరంగా ఉంటుంది. పనితనానికి గుర్తింపు లభిస్తుంది. విద్యార్థులకు మంచి సమయం. ప్రయాణాలు అనుకూలిస్తాయి. బంధుమిత్రులు, అన్నదమ్ముల సహకారం లభిస్తుంది. భూమి కొనుగోలు చేస్తారు. రోజువారీ వ్యాపారం లాభదాయకంగా కొనసాగుతుంది. మంచి అవకాశాలు వస్తాయి. కుటుంబసభ్యులతో సంతోషంగా ఉంటారు. నిత్యం హనుమాన్‌ చాలీసా పఠించండి.

మీనం
అందివచ్చిన అవకాశాలను సద్వినియోగం చేసుకుంటారు. సమాజంలో హుందాగా వ్యవహరిస్తారు. ఆత్మీయులు, అనుభవజ్ఞుల సహకారంతో పనులు నెరవేరుతాయి. ఖర్చుల నియంత్రణ అవసరం. శ్రమకు తగిన ప్రతిఫలం లభిస్తుంది. సాహిత్య సభలకు హాజరవుతారు. సమాజంలో మంచి వ్యక్తులతో పరిచయాలు ఏర్పడతాయి. ఇంట్లో శుభకార్య ప్రయత్నాలు కొనసాగుతాయి. మీ ఆలోచనలను కార్యరూపంలో పెడతారు. దుర్గాదేవి ఆలయాన్ని సందర్శించండి.

-గుడి ఉమా మహేశ్వరశర్మ సిద్ధాంతి
ఎం.ఎస్సీ., నిర్మల్‌ పంచాంగకర్త
నల్లకుంట, హైదరాబాద్‌. సెల్‌: 9885096295
ఈ మెయిల్‌ : nirmalsiddhanthi@yahoo.co.in