డిండి ప్రాజెక్టుపై ఎంపీ డీకే అరుణ వ్యాఖ్యలు సరికాదు : గుత్తా సుఖేందర్ రెడ్డి

ఎంపీ డీకే అరుణ డిండి ప్రాజెక్టుపై మాట్లాడిన వ్యాఖ్యలు సరికాదని శాసనమండలి చైర్మన్ గుత్తా సుఖేందర్ రెడ్డి అన్నారు.

నల్లగొండ : మహబూబ్‌నగర్‌ ఎంపీ డీకే అరుణ డిండి ప్రాజెక్టుపై మాట్లాడిన వ్యాఖ్యలు సరికాదని శాసనమండలి చైర్మన్ గుత్తా సుఖేందర్ రెడ్డి అన్నారు. జాతీయ పార్టీలో ఉండి ఇలా మాట్లాడటం విడ్డూరంగా ఉందని, డిండి ప్రాజెక్టుకి 0.6 టీఎంసీ నీటిని ఇవ్వడానికి సీఎం రేవంత్ రెడ్డి నిర్ణయం హర్షించదగిన పరిణామం అని తెలిపారు. పాలమూరు-రంగారెడ్డి జాతీయ ప్రాజెక్టుగా గుర్తించడానికి ఎంపీ కృషి చేయాలి.

ఏ జిల్లా నీరు అక్కడే వినియోగం అంటే.. కర్ణాటక నుంచి చుక్క నీరు రాదని హితవు పలికారు.
ఏఎంఆర్‌పీ ద్వారా ఏడాది పొడవునా 30 టీఎంసీల నీటిని హైదరాబాద్‌కు అందిస్తుంది. దశాబ్దాల ఫ్లోరైడ్ పీడ విరగడ కోసం చేపట్టిన పథకం డిండి లిఫ్టు స్కీమ్ అన్నారు. దేవరకొండ, మునుగోడు లలో ఫ్లోరైడ్ పోవాలంటే.. డబ్ల్యూహెచ్‌వో సూచన మేరకే డిండి ప్రాజెక్టు చేపట్టారు.

ఉమ్మడి నల్లగొండ జిల్లాలో 10 లక్షల ఎకరాలు ప్రతిపాదిత సాగుకు గానూ.. 7.78 లక్షల ఎకరాలు ఆయకట్టు సాగు జరుగుతుంది. ఎస్‌ఎల్‌బీసీ ఉదయసముద్రం, డిండి, దేవాదుల 7.58 లక్షల ఎకరాల ప్రతిపాదన ఉంటే.. ఏది కంప్లీట్ కాలేదన్నారు. మనం మనం తగాదాలు పడితే.. నల్లగొండ, మహబూబ్ నగర్ జిల్లాల రైతాంగానికి నష్టం జరుగుతుందన్నారు.