Dasara holidays | గతంలో 10 రోజులు సెలవులు.. ఇప్పుడు కేవలం రెండు రోజులే..!

పాలిటెక్నిక్ విద్యార్థుల మీద కాంగ్రెస్ ప్రభుత్వం పగ తీర్చుకుంటున్నది. పాలిటెక్నిక్‌ విద్యార్థులకు(Polytechnic students) దసరా సెలవులు(Dasara holidays) తగ్గించ‌డ‌మే ఇందుకు నిద‌ర్శ‌నం.

హైద‌రాబాద్ : పాలిటెక్నిక్ విద్యార్థుల మీద కాంగ్రెస్ ప్రభుత్వం పగ తీర్చుకుంటున్నది. పాలిటెక్నిక్‌ విద్యార్థులకు(Polytechnic students) దసరా సెలవులు(Dasara holidays) తగ్గించ‌డ‌మే ఇందుకు నిద‌ర్శ‌నం. ప్రతిఏటా బతుకమ్మ సందర్భంగా పాలిటెక్నిక్ విద్యాసంస్థలకు పది రోజుల పాటు సెలవులు ఇచ్చే ఆనవాయితీ ఉండేది. కానీ ఈ ఏడాది కేవలం ఈ నెల 18 నుంచి 21 వరకు మాత్రమే సెలవులు ప్రకటిస్తూ సాంకేతిక విద్యాశాఖ నిర్ణయం తీసుకుంది.

అందులోనూ 18న ఆదివారం, 20న దసరా సెలవులు రావడంతో కేవలం రెండు రోజులే ప్రత్యేక సెలవులుగా మిగిలాయి. విద్యాశాఖ తీసుకున్న నిర్ణయంపై పాలిటెక్నిక్ విద్యార్థులు, అధ్యాపక వర్గాల్లో తీవ్ర నిరసన వ్య‌క్త‌మువుతున్న‌ది. కాగా, జీవో 97 వ్యవహారంలో విద్యార్థులపై కక్షగట్టి ఇలాంటి నిర్ణయాలకు కాంగ్రెస్ ప్రభుత్వం పాల్పడుతుందని అధ్యాపక సంఘాలు ఆరోపిస్తున్నాయి. యంగ్‌ ఇండియా స్కిల్‌ యూనివర్సిటీలో పాలిటెక్నిక్ కాలేజీల‌ విలీనానాన్ని వ్య‌తిరేకిస్తూ విద్యార్థులు పెద్ద ఎత్తున ఉద్య‌మించి కాంగ్రెస్ ప్ర‌భుత్వం మెడ‌లు వంచి విజ‌యం సాధించిన విష‌యం తెలిసిందే.