నేషనల్‌ ఇన్‌స్పైర్‌లో తెలంగాణ విద్యార్థుల సత్తా

ఇన్‌స్పైర్‌ - మనక్‌ జాతీయ ప్రదర్శనలో తెలంగాణ విద్యార్థులు సత్తా చాటారు. ఈ నెల 12 నుంచి 14 వరకు న్యూఢిల్లీలోని భారత్‌ మండపంలో నిర్వహించిన కార్యక్రమంలో మొత్తం 780 ప్రాజెక్ట్‌లను ప్రదర్శించారు.

హైదరాబాద్‌, అక్టోబర్‌ 14 (నమస్తే తెలంగాణ) : ఇన్‌స్పైర్‌ – మనక్‌ జాతీయ ప్రదర్శనలో తెలంగాణ విద్యార్థులు సత్తా చాటారు. ఈ నెల 12 నుంచి 14 వరకు న్యూఢిల్లీలోని భారత్‌ మండపంలో నిర్వహించిన కార్యక్రమంలో మొత్తం 780 ప్రాజెక్ట్‌లను ప్రదర్శించారు. కేంద్రం 62 మందిని విజేతలుగా ఎంపిక చేసింది.

విజేతల్లో కర్ణాటక నుంచి 9, మహారాష్ట్ర నుంచి ఏడుగురు, తెలంగాణకు చెందినవారు ఐదుగురు ఉన్నారు. వీరు జపాన్‌ దేశంలో నిర్వహించే సకురా సైన్స్‌ ఎక్స్‌చేంజ్‌ ప్రోగ్రాంలో పాల్గొంటారు. విజేతలను సీఎం రేవంత్‌రెడ్డి, విద్యాశాఖ కార్యదర్శి డాక్టర్‌ యోగితారాణా, పాఠశాల విద్యాశాఖ డైరెక్టర్‌ డాక్టర్‌ నవీన్‌ నికోలస్‌ అభినందించారు.