Road accident | గద్వాల జిల్లాలో ఘోర రోడ్డు ప్రమాదం.. రైలింగ్‌ను ఢీకొట్టిన కారు, ఐదుగురికి గాయాలు

జోగులాంబ గద్వాల జిల్లాలో ఘోర రోడ్డు ప్ర‌మాదం చోటు చేసుకుంది.

జోగులాంబ గద్వాల : జోగులాంబ గద్వాల జిల్లాలో ఘోర రోడ్డు ప్ర‌మాదం చోటు చేసుకుంది. నేపాల్ దేశం నుండి కర్ణాటకలోని బెంగళూరుకు వెళ్తుండగా ఈ ప్రమాదం జ‌రిగింది. వివ‌రాల్లోకి వెళ్తే.. ఇటిక్యాల మండలం వేముల స్టేజి సమీపంలో జాతీయ రహదారిపై నియంత్రణ కోల్పోయి బాధితులు ప్రయాణిస్తున్న ఎర్టిగా కారు వేముల స్టేజి వద్దకు రాగానే అదుపు తప్పి రహదారి పక్కనే ఉన్న ఇనుప రైలింగ్‌ను బలంగా ఢీకొట్టింది. ఈ ప్రమాదంలో కారు ముందు భాగం పూర్తిగా నుజ్జునుజ్జయింది. ప్రమాదం జరిగిన సమయంలో కారులో ప్రయాణిస్తున్న వారిలో ఐదుగురికి తీవ్ర గాయాలయ్యాయి.

గాయపడిన వారిలో ఒకరి పరిస్థితి అత్యంత విషమంగా ఉన్నట్లు సమాచారం. మిగిలిన ప్రయాణికులు స్వల్ప గాయాలతో తృటిలో ప్రాణాపాయం నుండి క్షేమంగా బయటపడ్డారు. ప్రమాదం జరిగిన వెంటనే స్థానికులు, పోలీసులు ఘటనా స్థలానికి చేరుకుని క్షతగాత్రులను చికిత్స నిమిత్తం సమీప ద‌వాకాన‌కు తరలించారు. ఈ ఘటనపై పోలీసులు కేసు నమోదు చేసుకుని దర్యాప్తు చేప‌ట్టారు.