పురుగులు పరార్‌!

వర్షాకాలంలో క్రిమికీటకాలతో ఇబ్బంది కలుగుతుంది. దోమలు, ఈగలే కాకుండా.. రకరకాల పురుగుల వ్యాప్తి పెరుగుతుంది. వీటితోపాటు అనేక వ్యాధులు కూడా విజృంభిస్తుంటాయి. ఈక్రమంలో కొన్ని సులభమైన చిట్కాలతో ఈ పురుగులను తరిమేయొచ్చని చెబుతున్నారు నిపుణులు.

వర్షాకాలంలో క్రిమికీటకాలతో ఇబ్బంది కలుగుతుంది. దోమలు, ఈగలే కాకుండా.. రకరకాల పురుగుల వ్యాప్తి పెరుగుతుంది. వీటితోపాటు అనేక వ్యాధులు కూడా విజృంభిస్తుంటాయి. ఈక్రమంలో కొన్ని సులభమైన చిట్కాలతో ఈ పురుగులను తరిమేయొచ్చని చెబుతున్నారు నిపుణులు.

• ఒక స్ప్రే బాటిల్‌లో లీటర్‌ నీళ్లు తీసుకొని.. అందులో కొద్దిగా వేపనూనె కలపాలి. ఈ మిశ్రమాన్ని తలుపులు, కిటికీల దగ్గర స్ప్రే చేస్తే.. ఇంట్లోకి పురుగులు రాకుండా ఉంటాయి.
• వెల్లుల్లి రెబ్బల వాసన కూడా దోమలకు పడదు. ఓ రెండు వెల్లుల్లి రెబ్బలు తీసుకొని చిన్నమంటపై కాలిస్తే వచ్చే వాసనతో.. ఈగలు, ఇతర క్రిమికీటకాలు పరారవుతాయి.
• దోమలను తరిమికొట్టేందుకు రసాయన మందులే వాడాల్సిన పనిలేదు. నారింజ తొక్కలను బాగా ఎండబెట్టుకొని.. మెత్తగా పొడిచేసుకోవాలి. ఈ పొడితో పొగబెడితే.. దోమలు నశిస్తాయి.
• ఇంట్లో కర్పూరం బిళ్లలు వెలిగిస్తే.. ఆ ఘాటైన వాసనకు దోమలు, ఇతర కీటకాలు పారిపోతాయి.
• ఒక పాత్రలో నీళ్లు పోసి.. అందులో కర్పూరం బిళ్లలు వేయాలి. ఆ పాత్రను పడకగదిలోని షెల్ఫ్‌లో పెడితే.. దోమలు రాకుండా ఉంటాయి. గదిమొత్తం సువాసనతో నిండిపోతుంది.
• ఇంటిని శుభ్రం చేసేటప్పుడు.. నీళ్లలో ఒక టేబుల్‌ స్పూన్‌ పసుపు కలపాలి. దాంతో, ఇంట్లోకి ఈగలు రాకుండా ఉంటాయి. ఇతర క్రిమికీటకాలు కూడా నశిస్తాయి. అన్నిటికన్నా ముఖ్యంగా.. మురికి, తేమ ఉన్న ప్రదేశాల్లోనే క్రిమికీటకాలు పెరుగుతాయి. కాబట్టి.. ముందు పరిశుభ్రత పాటించాలి.
• ఇంటి వాతావరణం పొడిగా ఉండేలా చూసుకోవాలి.
• చెత్తబుట్టలను వాడటం, క్రమం తప్పకుండా వాటిని ఖాళీ చేయాలి.
• ఇంట్లో ఎక్కడా నీరు నిల్వ ఉండకుండా చూసుకోవాలి.
• కుండలు, ఇతర పాత్రలలో నీటిని క్రమం తప్పకుండా మార్చాలి.
• వంటగది సింక్‌, బాత్రూమ్‌ను శుభ్రంగా, పొడిగా ఉంచుకోవాలి.
• ఫినాయిల్‌, ఇతర క్రిమిసంహారక ద్రావణంతో ఎప్పటికప్పుడు శుభ్రం చేసుకుంటూ ఉండాలి.