డయానా గ్రేస్‌కు 3 పతకాలు

సీబీఎస్‌ఈ జాతీయ జిమ్నాస్టిక్స్‌ చాంపియన్‌షిప్‌లో హైదరాబాద్‌ జిమ్నాస్ట్‌ డయానా గ్రేస్‌ అద్భుత ప్రదర్శనతో ఒక స్వర్ణం, రెండు కాంస్య పతకాలను సాధించింది.

హైదరాబాద్‌, ఆట ప్రతినిధి: సీబీఎస్‌ఈ జాతీయ జిమ్నాస్టిక్స్‌ చాంపియన్‌షిప్‌లో హైదరాబాద్‌ జిమ్నాస్ట్‌ డయానా గ్రేస్‌ అద్భుత ప్రదర్శనతో ఒక స్వర్ణం, రెండు కాంస్య పతకాలను సాధించింది. పుణెలో జరిగిన ఈ టోర్నీ అండర్‌-19 విభాగంలో పోటీపడిన డయానా (కార్నర్‌స్టోన్‌ స్కూల్‌) ఇండివిజువల్‌ ఆపరేటస్‌ బీమ్‌ ఈవెంట్‌లో 9.45 స్కోరుతో అగ్రస్థానంలో నిలిచి పసిడి పతకం సొంతం చేసుకుంది. అన్‌ఈవెన్‌ బార్‌ (7.25), ఆల్‌రౌండ్‌ (34.05) విభాగాల్లో మూడో స్థానంలో నిలిచి కాంస్య పతకాలను ఖాతాలో వేసుకుంది.