ఛత్తీస్‌గఢ్‌ 279/7 రాణించిన హైదరాబాద్‌ బౌలర్లు

రంజీ ట్రోఫీ 2026-27 సీజన్‌లో సొంతగడ్డపై మూడో మ్యాచ్‌ ఆడుతున్న హైదరాబాద్‌ బౌలింగ్‌లో మరోసారి సత్తాచాటింది.

హైదరాబాద్‌, ఆట ప్రతినిధి: రంజీ ట్రోఫీ 2026-27 సీజన్‌లో సొంతగడ్డపై మూడో మ్యాచ్‌ ఆడుతున్న హైదరాబాద్‌ బౌలింగ్‌లో మరోసారి సత్తాచాటింది. ఎలైట్‌ గ్రూప్‌-బీలో భాగంగా జింఖానా గ్రౌండ్స్‌లో ఛత్తీస్‌గఢ్‌తో జరుగుతున్న మ్యాచ్‌లో తొలిరోజు ఆ జట్టును తక్కువస్కోరుకే పరిమితం చేయడంలో ఆతిథ్య బౌలర్లు విజయవంతమయ్యారు. రక్షణ్‌ రెడ్డి (2/34), అనికేత్‌ రెడ్డి (2/59) కట్టడిచేయడంతో తొలిరోజు ఆట ముగిసే సమయానికి ఛత్తీస్‌గఢ్‌ 7 వికెట్ల నష్టానికి 279 రన్స్‌ చేసింది. కెప్టెన్‌ అనూజ్‌ తివారి (72)తో పాటు వికల్ప్‌ తివారి (69) అర్ధ శతకాలతో ఆ జట్టును ఆదుకున్నారు. జయంత్‌ యాదవ్‌ (36 బ్యాటింగ్‌), అజయ్‌ జాదవ్‌ (9 బ్యాటింగ్‌) క్రీజులో ఉన్నారు. రక్షణ్‌, అనికేత్‌కు అండగా కీలక సమయాల్లో హైదరాబాద్‌ కెప్టెన్‌ మిలింద్‌, తనయ్‌, రుతిక్‌ చెరో వికెట్‌ తీసి ప్రత్యర్థి పుంజుకోకుండా అడ్డుకున్నారు.