e-Paper

Advertisement

E-Paper

Apps

Book Your Copy

Visit Telangana Today

Wednesday, September 22, 2021
Home News చంద్రుడిపై పరిశోధనా కేంద్రం.. రష్యాతో చేతులు కలిపిన చైనా

చంద్రుడిపై పరిశోధనా కేంద్రం.. రష్యాతో చేతులు కలిపిన చైనా

న్యూఢిల్లీ : చంద్రుడి ఉపరితలంపై చంద్ర పరిశోధనా కేంద్రం నిర్మించేందుకు రష్యా సిద్ధమైంది. ఈ పరిశోధనలో సహకారం అందించేందుకు రష్యాతో చైనా చేతులు కలిపింది. ఈ మేరకు ఒక అవగాహనా ఒప్పందంపై ఇరు దేశాల ప్రతినిధులు సంతకాలు చేశారు. కరోనా సంక్షోభం తరువాత ఇరు దేశాల మధ్య సన్నిహిత అంతరిక్ష సహకారానికి ఇది కొత్త శకానికి దారితీయనున్నది. ఈ విషయం చైనా నేషనల్ స్పేస్ అడ్మినిస్ట్రేషన్ వెబ్‌సైట్‌లో ఒక ప్రకటనను ప్రచురించింది. ఇతర దేశాల ఉపయోగం కోసం కూడా అంతర్జాతీయ చంద్ర పరిశోధనా కేంద్రం తెరవబడుతుందని చైనా పేర్కొన్నది. అయితే, దీని నిర్మాణం ఎంత కాలపరిమితిలోగా పూర్తవుతుందో తెలుపలేదు.
చైనా నేషనల్ స్పేస్ అడ్మినిస్ట్రేషన్ విడుదల చేసిన ప్రకటన ప్రకారం.. ఈ ప్రాజెక్ట్ దీర్ఘకాలిక స్వయంప్రతిపత్తి కార్యాచరణ సామర్థ్యంతో సమగ్రమైన శాస్త్రీయ ప్రయోగంగా వర్గీకరించబడింది. ఈ స్టేషన్ చంద్ర ఉపరితలంపై లేదా చంద్రుని కక్ష్యలో నిర్మించనున్నారు. ఈ కేంద్రం సహాయంతో శాస్త్రీయ పరిశోధన, పరిశీలన, సాంకేతిక ధ్రువీకరణ వంటి శాస్త్రీయ కార్యకలాపాలు చంద్రుడిపై నిర్వహిస్తారు. ఈ అంతర్జాతీయ చంద్ర పరిశోధనా కేంద్రాన్ని సంయుక్తంగా నిర్మించడానికి చైనా నేషనల్ స్పేస్ అడ్మినిస్ట్రేషన్, రష్యన్ అంతరిక్ష సంస్థ రోస్కోస్మోస్ మధ్య ఒక అవగాహన ఒప్పందం కుదిరింది. టెక్నాలజీ పైరసీ ఆందోళనలను దృష్టిలో ఉంచుకుని నాసా, చైనా మధ్య దాదాపు అన్ని పరిచయాలను యూఎస్ కాంగ్రెస్ నిషేధించిన సమయంలో ఇరు దేశాల మధ్య ఈ ఒప్పందం జరుగడం విశేషం. అంతర్జాతీయ అంతరిక్ష కేంద్రంలో రష్యా భాగస్వామి. దీని అంతరిక్ష కార్యక్రమాన్ని చైనా, అమెరికా, భారతదేశం, ఇతర దేశాలు అంగీకరించాయి. ఇటీవలి కాలంలో అంతరిక్ష రంగంలో ప్రపంచంలోని పెద్ద దేశాల ఆసక్తి వేగంగా పెరిగింది. అంతరిక్షానికి సంబంధించి చాలా ప్రయోగాలు జరుగుతున్నాయి. ప్రపంచంలో మూడో అతిపెద్ద అంతరిక్ష శక్తిగా అవతరించడానికి ఫ్రాన్స్ అంతరిక్షంలో సైనిక విన్యాసాలను ప్రారంభించింది. భీకర యుద్ధం జరిగినప్పుడు దాని ఉపగ్రహాలు, ఇతర పరికరాలను రక్షించడం ఈ అంతరిక్ష విన్యాసాల ముఖ్య ఉద్దేశం.

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana