Jangaa | నటుడు మధునందన్ పుట్టినరోజు.. ‘జంగా’ చిత్రం నుంచి పవర్‌ఫుల్ ఫ‌స్ట్ లుక్ విడుదల!

Actor Madhunandan | టాలీవుడ్‌లో ప్రతిష్టాత్మకంగా తెరకెక్కుతున్న క్రేజీ ప్రాజెక్ట్ 'జంగా' చిత్ర యూనిట్ నుంచి తాజాగా ఒక ఆసక్తికరమైన అప్‌డేట్ వెలువడింది.

Actor Madhunandan | టాలీవుడ్‌లో ప్రతిష్టాత్మకంగా తెరకెక్కుతున్న క్రేజీ ప్రాజెక్ట్ ‘జంగా’ చిత్ర యూనిట్ నుంచి తాజాగా ఒక ఆసక్తికరమైన అప్‌డేట్ వెలువడింది. నటుడు మధునందన్ పుట్టినరోజు సందర్భంగా ఈ సినిమా నుంచి ఆయనకు సంబంధించిన పవర్‌ఫుల్ పోలీస్ ఆఫీసర్ క్యారెక్టర్ పోస్టర్‌ను మేకర్స్ సోమవారం అధికారికంగా విడుదల చేశారు. ఈ పోస్టర్‌లో మధునందన్ చాలా సీరియస్‌గా, ఏదో ఒక లోతైన అంశాన్ని తదేకంగా పరిశీలిస్తున్నట్లు కనిపిస్తున్న తీరు సినిమాపై ప్రేక్షకుల్లో అంచనాలను మరింత పెంచుతోంది. ఆయన పాత్ర ఈ కథలో చాలా కీలకంగా ఉండబోతుందని ఈ ఫస్ట్‌లుక్ స్పష్టం చేస్తోంది.

శ్రీమతి వనిత కిలారి సమర్పణలో ఆర్‌కె ఫిల్మ్ ఫ్యాక్టరీ బ్యానర్‌పై రమ్య కిలారి, జయచంద్ర నాయుడు కిలారి ఈ చిత్రాన్ని అత్యంత ప్రతిష్టాత్మకంగా నిర్మిస్తున్నారు. విభిన్న కథాంశాలతో సినిమాలను తెరకెక్కించడంలో పేరున్న కెవిన్ గడ్డం (శ్రీహరి) ఈ చిత్రానికి కథ, స్క్రీన్ ప్లే అందిస్తూ దర్శకత్వం వహిస్తున్నారు. ఇప్పటికే త్రిగుణ్ పుట్టినరోజు సందర్భంగా విడుదల చేసిన ‘జంగా’ ఫస్ట్ లుక్ మరియు మోషన్ పోస్టర్ ప్రేక్షకులను విశేషంగా ఆకట్టుకున్నాయి. ఆ చిత్రంలో త్రిగుణ్ మునుపెన్నడూ చూడని విధంగా రా అండ్ రస్టిక్ లుక్‌లో కనిపించి అందరినీ ఆశ్చర్యపరిచారు.

ఇప్పుడు మధునందన్ పోలీస్ ఆఫీసర్ లుక్‌ను రివీల్ చేయడం ద్వారా సినిమాలోని పాత్రల ప్రాధాన్యతను మేకర్స్ ఒక్కొక్కరిగా పరిచయం చేస్తున్నారు. ఈ సినిమాలో త్రిగుణ్ హీరోగా నటిస్తుండగా, ఆయనతో పాటు నేహా పఠాన్, వరలక్ష్మీ శరత్ కుమార్, శ్రావణ్, గగన్ విహారి, చందు గౌడ, సమీర్, నాగ మహేష్, భూపాల్ రాజు, రఘు కారుమంచి, రచ్చ రవి తదితరులు కీలక పాత్రల్లో అలరించనున్నారు. ప్రస్తుతం ఈ సినిమాకు సంబంధించిన పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి.

సాంకేతిక నిపుణుల విషయానికి వస్తే, ఈ చిత్రానికి కృష్ణ సౌరభ్ అద్భుతమైన సంగీతాన్ని అందిస్తుండగా, కెమెరామెన్‌గా వెంకట్ సి. దిలీప్ బాధ్యతలు నిర్వహిస్తున్నారు. ప్రసాద్ వర్మ, ప్రేమ్ రాజ్ మాటలు అందిస్తుండగా, కాసర్ల శ్యామ్, పూర్ణాచారి, కళ్యాణ్ చక్రవర్తి సాహిత్యాన్ని సమకూరుస్తున్నారు. ఎడిటర్‌‌గా ప్రవీణ్ పూడి వ్యవహరిస్తున్నారు. గ్రామీణ నేపథ్యంలో సాగే ఈ సరికొత్త యాక్షన్ డ్రామా ప్రేక్షకులకు ఒక కొత్త అనుభూతిని పంచుతుందని చిత్ర యూనిట్ ధీమా వ్యక్తం చేస్తోంది. త్వరలోనే సినిమా విడుదలకు సంబంధించిన పూర్తి వివరాలు వెలువడనున్నాయి.