ఎక్స్‌ప్రెస్‌వేపై బీజేపీ నాయకురాలి భర్త అసభ్యకర ప్రవర్తన!

బీజేపీ మద్దతు గల జిల్లా పంచాయతీ సభ్యురాలి భర్త మనోహర్లాల్‌ ధాకడ్‌ వేరొక మహిళతో నడిరోడ్డుపై పట్టుబడ్డారు. ధాకడ్‌ భార్య మధ్య ప్రదేశ్‌లోని మందసార్‌ జిల్లా పంచాయతీ ఎనిమిదో వార్డు సభ్యురాలిగా ఉన్నారు.

భోపాల్‌: బీజేపీ మద్దతు గల జిల్లా పంచాయతీ సభ్యురాలి భర్త మనోహర్లాల్‌ ధాకడ్‌ వేరొక మహిళతో నడిరోడ్డుపై పట్టుబడ్డారు. ధాకడ్‌ భార్య మధ్య ప్రదేశ్‌లోని మందసార్‌ జిల్లా పంచాయతీ ఎనిమిదో వార్డు సభ్యురాలిగా ఉన్నారు. ధాకడ్‌ వేరొక మహిళతో ఢిల్లీ-ముంబై ఎక్స్‌ప్రెస్‌వేపై రాత్రి వేళ కారు పక్కన అభ్యంతరకరంగా ప్రవర్తించినట్లు కనిపిస్తున్న వీడియో వైరల్‌ అయ్యింది.

ఈ వీడియోను ఈ నెల 13న చిత్రీకరించినట్లు తెలుస్తున్నది. అయితే ధాకడ్‌ తమ పార్టీ సభ్యుడు కాదని బీజేపీ తెలిపింది. ధాకడ్‌ను ధాకడ్‌ మహాసభ జాతీయ కార్యదర్శి పదవి నుంచి తొలగించినట్లు ఆ సంఘం ప్రకటించింది.