రాహుల్‌గాంధీ పర్యటనను అడ్డుకుంటాం

ఎన్నికల హామీలను తుంగలో తొకి యువతను, రైతులను కాంగ్రెస్‌ మోసం చేసిందని బీజేపీ రాష్ట్ర అధ్యక్షుడు రాంచందర్‌రావు మండిపడ్డారు. శనివారం ఆయన మీడియా సమావేశంలో మాట్లాడుతూ హామీలు నెరవేర్చకుండా రాహుల్‌ రాష్ట్రంలో అడుగుపెడితే అడ్డుకుంటామని హెచ్చరించారు.

హైదరాబాద్‌, నవంబర్‌ 7 (నమస్తే తెలంగాణ): ఎన్నికల హామీలను తుంగలో తొకి యువతను, రైతులను కాంగ్రెస్‌ మోసం చేసిందని బీజేపీ రాష్ట్ర అధ్యక్షుడు రాంచందర్‌రావు మండిపడ్డారు. శనివారం ఆయన మీడియా సమావేశంలో మాట్లాడుతూ హామీలు నెరవేర్చకుండా రాహుల్‌ రాష్ట్రంలో అడుగుపెడితే అడ్డుకుంటామని హెచ్చరించారు. తాము పరిశ్రమలు, పెట్టుబడుల రాకకు ఎప్పుడూ వ్యతిరేకం కాదని, భారత్‌ సమ్మిట్‌ను స్వాగతిస్తామని స్పష్టంచేశారు. రైతుల సమస్యలను పట్టించుకోకుండా కాంగ్రెస్‌ నేతలు ఢిల్లీ పర్యటనలకు ప్రాధాన్యమిస్తున్నారని, తమ వైఫల్యాలను కేంద్రంపై నెడుతున్నారని ఆగ్రహం వ్యక్తం చేశారు. ప్రభుత్వం నుంచి రైతులకు సరైన సాయం అందడం లేదని ఆరోపించారు.