క్రికెటర్ భువనేశ్వర్ కుమార్‌కు పితృవియోగం

అంతర్జాతీయ క్రికెటర్ భువనేశ్వర్ కుమార్ తండ్రి కిరణ్‌పాల్ సింగ్ గురువారం మరణించారు

May 20, 2021 / 08:50 PM IST

క్రికెటర్ భువనేశ్వర్ కుమార్‌కు పితృవియోగం

మీర‌ట్ : అంతర్జాతీయ క్రికెటర్ భువనేశ్వర్ కుమార్ తండ్రి కిరణ్‌పాల్ సింగ్ గురువారం మరణించారు. అతడు చాలా రోజులుగా కాలేయ వ్యాధితో బాధపడుతున్నాడు. 63 ఏండ్ల‌ కిరణ్‌పాల్ మీరట్‌లోని తన నివాసంలో తుది శ్వాస విడిచాడు. బులంద్‌షహర్‌లో నివసించిన కిరణ్‌పాల్ చాలా కాలం పాటు యూపీ పోలీసు ఉద్యోగం చేసి.. కొన్నేండ్ల‌ క్రితం వీఆర్‌ఎస్‌ తీసుకున్నాడు.

కిరణ్‌పాల్ సింగ్ గ‌త కొంత కాలంగా కాలేయ వ్యాధితో బాధపడుతున్నాడు. కొన్ని రోజులుగా ఢిల్లీ ఎయిమ్స్, నోయిడాలోని ద‌వాఖాన‌లో చికిత్స పొందుతున్నాడు. ఇంగ్లండ్‌లోని వైద్యుల పర్యవేక్షణలో చికిత్స కొనసాగింది. అతడికి కీమో థెరపీ ఢిల్లీ, నోయిడాలో చేశారు. కానీ, రెండు వారాల క్రితం అత‌డి ప‌రిస్థితి మ‌ళ్లీ క్షీణించింది. దాంతో అత‌డిని గంగాన‌గ‌ర్‌లోని స‌మీప ద‌వాఖాన‌లో చేర్చారు. ప‌రిస్థితి విష‌మంగా మార‌డంతో ముజఫర్ నగర్ ప్రాంతంలోని ముస్సూరీ ద‌వాఖాన‌లో చేర్చి చికిత్స అందించాఉ. కాలేయ వ్యాధి కారణంగా కామెర్లు, అనేక ఇతర వ్యాధుల బారిన పడిన‌ట్లు వైద్యులు తెలిపారు. చివ‌ర‌కు గురువారం సాయంత్రం ఆయ‌న తుదిశ్వాస విడిచాడు. ప్ర‌స్తుతం భువి ఇంటి వ‌ద్ద‌నే ఉండి తండ్రిని చూసుకుంటున్నాడు.