అంటార్కిటికాలో అతిపెద్ద మంచుకొండ గుర్తింపు

ప్రపంచంలో అతిపెద్ద మంచుకొండను అంటార్కిటికాలో గుర్తించారు. శాస్త్రవేత్తలు దీనికి ఏ-76 అని పేరు కూడా పెట్టారు

May 20, 2021 / 04:27 PM IST

అంటార్కిటికాలో అతిపెద్ద మంచుకొండ గుర్తింపు

లండ‌న్ : ప్రపంచంలో అతిపెద్ద మంచుకొండను అంటార్కిటికాలో గుర్తించారు. శాస్త్రవేత్తలు దీనికి ఏ-76 అని పేరు కూడా పెట్టారు. ఇది పరిమాణంలో భారీగా ఉంటుంది. దీని పొడవు 170 కిలోమీటర్లు, వెడ‌ల్పు 25 కిలోమీటర్లు ఉంటుంద‌ని అంచ‌నా వేశారు.

ఏ-76 యొక్క వైశాల్యాన్ని ఉపగ్రహం ద్వారా కనుగొన్నారు. అంటార్కిటికాలో పనిచేసే చాలా మంది శాస్త్రవేత్తలకు కూడా దీని గురించి తెలియదంట‌. దీనిని గుర్తించేందుకు ఉపగ్రహ కొలత సాంకేతిక పరిజ్ఞానం సహాయం తీసుకున్నారు. అనంత‌రం ప్రపంచంలో ఇప్పటివరకు కనుగొనబడిన అతిపెద్ద మంచుకొండగా పేర్కొన్నారు.

ఇది ఐస్‌బ‌ర్గ్ అంటార్కిటికాలోని రోనీ ఐస్ సెల్ఫ్ నుంచి వేరు చేయబడింద‌ని, ఇప్పుడు వెడ్డెల్ సీవాల్ లో తేలియాడుతున్న‌ద‌ని శాస్త్ర‌వేత్త‌లు తెలిపారు. యూరోపియన్ స్పేస్ ఏజెన్సీ దీనిపై మరింత పరిశోధనలు చేసేందుకు ఉప‌క్ర‌మించింది.

ఇది న్యూయార్క్‌లోని లాంగ్ ఐలాండ్ కంటే పెద్దద‌ని, ప్యూర్టో రికో దేశం మొత్తం విస్తీర్ణంలో సగానికి సమానంగా ఉంటుంద‌ని తెలుస్తన్న‌ది. శాస్త్రవేత్తలు తెలిపిన స‌మాచారం ప్రకారం, గ్లోబల్ వార్మింగ్ కారణంగా అంటార్కిటికా మంచు షీట్ కరుగుతున్నందున‌ ఈ మంచుకొండ వేరుచేయబడింది. కొద్ది రోజుల్లోనే ఈ మంచుకొండ ముక్కలుగా విడిపోతుందని వారు చెప్తున్నారు. గత ఏడాది బ‌య‌ట‌ప‌డ‌న ఐస్బర్గ్ ఏ-68ఏ కంటే ప‌రిణామంలో పెద్ద‌దిగా ఉన్న‌ద‌ని శాస్త్ర‌వేత్త‌లు పేర్కొంటున్నారు. ఇటువంటి మంచుకొండలు సముద్ర జీవులకు ముప్పు కలిగిస్తాయని ప‌రిశోధ‌కులు నమ్ముతారు. ఇవి సముద్ర-సింహాలు, పెంగ్విన్‌లపై తీవ్ర‌ ప్రభావం చూపుతాయ‌ని వీరు అంటున్నారు.