న్యూఢిల్లీ, ఏప్రిల్ 23: పది రోజుల్లో ఎంబీఏ, పది రోజుల్లో బీబీఏ వంటి ఆన్లైన్ ప్రకటనలు చూసి మోసపోవద్దని, వాటికి ఎలాంటి గుర్తింపు కానీ, సాధికారిత కానీ ఉండదని యూజీసీ ఒక ప్రకటనలో విద్యార్థులు, తల్లిదండ్రులను అప్రమత్తం చేసింది.
ఎంబీఏ, బీబీఏ లాంటి సంక్షిప్త పదాలతో కొన్ని సంస్థలు/వ్యక్తులు చేస్తున్న ఆన్లైన్ ప్రచారం పట్ల అప్రమత్తంగా ఉండాలని పేర్కొంది. ఆన్లైన్ ద్వారా ఉన్నత విద్యను అందించే గుర్తింపు పొందిన సంస్థల లిస్టు www. deb.ugc.ac.inలో ఉందని, విద్యార్థులు తాము చదివే విద్యాసంస్థల పేరు ఉందో లేదో పరిశీలించుకోవాలని సూచించింది.