Beetroot Face Mask | బీట్ రూట్‌ను ఇన్ని ర‌కాలుగా ఉప‌యోగించ‌వ‌చ్చు.. మీ ముఖం కాంతివంతంగా మారి మెరుస్తుంది.

మ‌చ్చ‌లేని, మెరిసే, అంద‌మైన చ‌ర్మం కావాల‌ని అంద‌రూ కోరుకుంటారు. దాని కోసం ఎంతో ఖ‌ర్చు చేస్తూ ఉంటారు. సీర‌మ్, క్రీమ్ అని ర‌క‌ర‌కాల ర‌సాయనాల‌ను చ‌ర్మానికి రాస్తూ ఉంటారు. సంక్లిష్ట‌మైన చ‌ర్మ సంర‌క్ష‌ణ దిన‌చ‌ర్య‌లో ఒక భాగ‌మైపోయింద‌ని చెప్ప‌వ‌చ్చు. అయితే కొన్నిసార్లు అత్యంత ప్ర‌భావ‌వంతంగా ప‌ని చేసే నివార‌ణ‌లు ప్ర‌కృతి నుండి వ‌స్తాయ‌ని మీకు తెలుసా.

Beetroot Face Mask | మ‌చ్చ‌లేని, మెరిసే, అంద‌మైన చ‌ర్మం కావాల‌ని అంద‌రూ కోరుకుంటారు. దాని కోసం ఎంతో ఖ‌ర్చు చేస్తూ ఉంటారు. సీర‌మ్, క్రీమ్ అని ర‌క‌ర‌కాల ర‌సాయనాల‌ను చ‌ర్మానికి రాస్తూ ఉంటారు. సంక్లిష్ట‌మైన చ‌ర్మ సంర‌క్ష‌ణ దిన‌చ‌ర్య‌లో ఒక భాగ‌మైపోయింద‌ని చెప్ప‌వ‌చ్చు. అయితే కొన్నిసార్లు అత్యంత ప్ర‌భావ‌వంతంగా ప‌ని చేసే నివార‌ణ‌లు ప్ర‌కృతి నుండి వ‌స్తాయ‌ని మీకు తెలుసా. ముఖ సౌంద‌ర్యాన్ని పెంచ‌డంలో బీట్‌రూట్ ఎంతో స‌హాయ‌ప‌డుతుంది. ప్ర‌కృతి నుండి స‌హ‌జంగా ల‌భించే ఈ బీట్‌రూట్ గొప్ప పోష‌కాల‌ను క‌లిగి ఉంటుంది. దీనిని ఉప‌యోగించ‌డం వ‌ల్ల స‌హ‌జంగానే ఆరోగ్య‌క‌ర‌మైన మెరుపును సొంతం చేసుకోవ‌చ్చు. బీట్‌రూట్ ను వాడ‌డం వ‌ల్ల త‌క్ష‌ణ గులాబీ రంగును మ‌నం పొంద‌వ‌చ్చు. ముఖంపై పింక్ గ్లో కోసం బీట్‌రూట్ ను ఉప‌యోగించే మార్గాల గురించి ఇప్పుడు తెలుసుకుందాం.

బీట్ రూట్ ఫేస్ మాస్క్‌..

బీట్‌రూట్ ను ఉప‌యోగించే సుల‌భ‌మైన మార్గాల్లో ఫేస్ మాస్క్ ఒక‌టి. దీనిని త‌యారు చేసుకోవ‌డానికి గాను ఒక టీ స్పూన్ బీట్‌రూట్ ర‌సంలో ఒక టీ స్పూన్ తేనె లేదా పెరుగు వేసి బాగా క‌ల‌పాలి. త‌రువాత దీనిని ముఖానికి రాసి 15 నిమిషాల పాటు అలాగే ఉంచాలి. త‌రువాత చల్ల‌ని నీటితో శుభ్రం చేసుకోవాలి. ఇలా చేయ‌డం వ‌ల్ల ముఖం తాజాగా పింక్ గ్లోతో క‌నిపిస్తుంది. బీట్‌రూట్ ను స్క్ర‌బ్ లాగా కూడా ఉప‌యోగించుకోవ‌చ్చు. బీట్‌రూట్ ర‌సంలో కాఫీ లేదా చ‌క్కెర వేసుకోవాలి. త‌రువాత కొద్దిగా తేనె వేసి క‌ల‌పాలి. దీనిని చ‌ర్మంపై వృత్తాకార దిశలో రాస్తూ మ‌ర్ద‌నా చేసుకోవాలి. ఇలా చేయ‌డం వల్ల చ‌ర్మంపై ఉండే మురికి, మృత‌క‌ణాలు తొల‌గిపోయి ముఖం తాజాగా, అందంగా క‌నిపిస్తుంది. ఉద‌యం నిద్ర లేచిన త‌రువాత క‌ళ్లు, ముఖం కొద్దిగా ఉబ్బిన‌ట్టు క‌నిపిస్తాయి. ఈ వాపును త‌గ్గించ‌డంలో బీట్‌రూట్ ఐస్ క్యూబ్స్ ఎంత‌గానో స‌హాయ‌ప‌డ‌తాయి.

బీట్ రూట్ ఐస్ క్యూబ్స్‌..

ఈ ఐస్ క్యూబ్స్ ను త‌యారు చేసుకోవ‌డానికి నీటిలో బీట్‌రూట్ ర‌సం వేసి క‌లిపి ఐస్ ట్రేలో పోయాలి. ఈ నీటిని రాత్రంతా ఫ్రిజ్ లో ఉంచి ఐస్ గా మారిన త‌రువాత ముఖంపై అప్లై చేసుకోవాలి. ఇలా చేయ‌డం వ‌ల్ల వాపు త‌గ్గడంతో పాటు చ‌ర్మం ప్ర‌కాశ‌వంతంగా, బిగుతుగా త‌యార‌వుతుంది. ఇక బీట్‌రూట్ ను టోన‌ర్ గా ఉప‌యోగించుకోవ‌చ్చు. బీట్‌రూట్ ర‌సాన్ని రోజ్ వాట‌ర్ తో క‌లిపి స్ప్రే బాటిల్ లోకి బ‌దిలీ చేసుకోవాలి. రాత్రి నిద్రించే ముందు ముఖంపై స్ప్రే చేసుకోవాలి. ఇలా చేయ‌డం వ‌ల్ల చ‌ర్మ రంధ్రాలు బిగుతుగా మార‌డంతో పాటు చ‌ర్మం కూడా స‌హ‌జంగా గులాబీ రంగును సంత‌రించుకుంటుంది. బీట్‌రూట్ శ‌రీరానికి అనేక ఆరోగ్య ప్ర‌యోజ‌నాల‌ను అందించ‌డంతో పాటు చ‌ర్మ సౌంద‌ర్యాన్ని మెరుగుప‌ర‌చ‌డంలో కూడా అనేక ర‌కాలుగా మ‌న‌కు స‌హాయ‌ప‌డుతుంది. దీనిని ఉప‌యోగించ‌డం వ‌ల్ల స‌హ‌జంగా, ఎటువంటి ఖ‌ర్చు లేకుండా చ‌ర్మ ఆరోగ్యాన్ని, సౌంద‌ర్యాన్ని మెరుగుప‌రుచుకోవ‌చ్చు.