యాత్రకు పోదాం చలో చలో!

• ఇయర్‌ ఎండింగ్‌ టూర్లకు ఔత్సాహికుల ప్లాన్‌
• ఖర్చుకు వెనుకాడబో మంటున్న మెజారిటీ శాతం
• ఇప్పటికే టికెట్లు బుక్‌ చేసుకున్న 55 శాతం మంది
• కన్జ్యూమర్‌ సెంటిమెంట్‌ ఇండెక్స్‌ రిపోర్ట్‌లో వెల్లడి

హైదరాబాద్‌, నవంబర్‌ 28(నమస్తే తెలంగాణ): వరుసగా కొవిడ్‌ వేవ్‌లు, ఆ తర్వాత వచ్చిన పండుగలతో ఈ ఏడాదంతా తీరికలేదు. కరోనా కష్టకాలంలో బయటి ప్రపంచాన్ని చూడనివాళ్లు, మానసిక ప్రశాంతతను కోరుకుంటున్నవాళ్లు చాలా మంది డిసెంబర్‌లో టూర్‌ ప్లాన్‌ చేసుకొంటున్నారు. ఈ ఏడాది చివరి పర్యటన కోసం ఎంతైనా ఖర్చు చేసేందుకు వెనకాడటం లేదు. ఒక్కొక్కరిపై రూ.10 వేలైనా ఖర్చు చేస్తామని 70 శాతం మంది అంటుంటే, రూ.50 వేల వరకు ఖర్చు చేస్తామని 15 శాతం మంది చెప్తున్నారు. ఇంటర్‌మైల్స్‌ తాజాగా విడుదల చేసిన ‘కన్జ్యూమర్‌ సెంటిమెంట్‌ ఇండెక్స్‌ రిపోర్ట్‌’లో ఈ విషయం వెల్లడైంది. అక్టోబర్‌లో దేశవ్యాప్తంగా వివిధ నగరాల్లోని వేలాది మంది అభిప్రాయాలను సేకరించిన ఈ సంస్థ రిపోర్ట్‌ను విడుదల చేసింది.

నివేదికలోని ముఖ్యాంశాలు ఇవే

• ప్రయాణానికి సిద్ధమన్నవారు:65%
• ప్రయాణం చేయాలనుకుంటున్నాం అన్నవారు: 30%
• ఇంటికే పరిమితం అవుతామన్నవారు: 5%
• ప్రయాణానికి ఇప్పటికే టికెట్‌ బుక్‌ చేసుకున్నవారు: 55%

టూర్‌కు ఎందుకు వెళ్లాలనుకుంటున్నారు?

• అన్ని మరచిపోయి ప్రకృతిలో సేద తీరుతాం: 34%
• ఇంట్లో ఉండే సాహసం చేయలేం: 23%
• ఇన్నాళ్లు దూరంగా ఉన్న మాకు ఇష్టమైన వారితో కలిసివెళ్తాం: 31%
• కుటుంబాన్ని, స్నేహితులను కలిసేందుకు వెళ్తాం: 12%

ఎక్కడికి వెళ్లాలనుకుంటున్నారు?

• అంతర్జాతీయ టూర్‌కు వెళ్తాం:14 %
• మన దేశంలోనే ప్లాన్‌ చేసుకొంటున్నాం: 9%
• అంతర్జాతీయ, స్వదేశీటూర్‌లలో ఎక్కడికైనా వెళ్తాం: 77%

టూర్‌లో కొవిడ్‌ జాగ్రత్తలు ఇలా..

• భద్రతకు సంబంధించి విభిన్న అంశాలను పరిగణనలోకి తీసుకొంటాం: 50%
• కొవిడ్‌-19 ప్రొటోకాల్స్‌ పాటిస్తున్న ప్రాంతానికే వెళ్తాం: 26%
• మేం వెళ్లే దగ్గర కొవిడ్‌ కేసులను చూ సుకొన్నాకే ప్లాన్‌ చేసుకొంటాం: 13%
• కరోనా నుంచి తప్పించుకొనే అవకాశం ఉంటేనే వెళ్తాం: 11%