చాలా ఆరుదు : త‌వ్వ‌కాల్లో దొరికిన 1000 ఏండ్ల నాటి కోడిగుడ్డు

ఇజ్రాయెల్‌లో ఇటీవ‌ల జ‌రిపిన‌ తవ్వకాల్లో 1000 సంవత్సరాల నాటి కోడిగుడ్డు దొరికింది. ఆశ్చర్యకరంగా ఈ గుడ్డు ఇన్నేండ్ల‌యినా సురక్షితంగా ఉన్న‌ది. దానికి బ‌య‌ట‌కు తీసి శుభ్రపరుస్తుండ‌గా కొంచెం విరిగిపోయింది

June 13, 2021 / 06:15 PM IST

చాలా ఆరుదు : త‌వ్వ‌కాల్లో దొరికిన 1000 ఏండ్ల నాటి కోడిగుడ్డు

జెరూస‌లేం : ఇజ్రాయెల్‌లో ఇటీవ‌ల జ‌రిపిన‌ తవ్వకాల్లో 1000 సంవత్సరాల నాటి కోడిగుడ్డు దొరికింది. ఆశ్చర్యకరంగా ఈ గుడ్డు ఇన్నేండ్ల‌యినా సురక్షితంగా ఉన్న‌ది. దానికి బ‌య‌ట‌కు తీసి శుభ్రపరుస్తుండ‌గా పగుళ్లు వచ్చాయి. ఇది ప్రపంచంలోని పురాతన గుడ్లలో ఒకటి అని నిపుణులు పేర్కొంటున్నారు. ఈ అద్భుతమైన ఆవిష్కరణ గురించి ఇజ్రాయెల్ పురావస్తు విభాగం ఫేస్‌బుక్‌లో ఒక వివరణాత్మక పోస్ట్‌ను షేర్ చేశారు.

మధ్య ఇజ్రాయెల్‌లోని యావ్నేలో పట్టణ అభివృద్ధి ప్రాజెక్టు పనుల తవ్వకాల‌ సమయంలో ఈ పురాత‌న కోడిగుడ్డు దొరికింది. ఈ గుడ్డు 10 వ శతాబ్దానికి చెందినదని భావిస్తున్నారు. యావ్నేలో పురావస్తు త్రవ్వకాల్లో దాదాపు 1000 సంవత్సరాల క్రితం నాటి కోడిగుడ్డు కనుగొన్నాం అని ఫేస్‌బుక్ పోస్ట్‌లో పేర్కొన్నారు. ఇలాంటి అతిపురాత కోడిగుడ్డు దొర‌క‌డం చాలా అరుదు అని ఇజ్రాయేల్ పుర‌వాస్తు విభాగానికి చెందిన నిపుణురాలు డాక్ట‌ర్ లీ పెర్రీ గాల్ చెప్పారు. త‌వ్వ‌కాలు జ‌రుపుతుండ‌గా వివిధ జంతువుల గుడ్ల పెంకులు బ‌య‌ట‌ప‌డ‌టం జ‌రుగుతుంద‌ని, అయితే ఇంత పురాత‌న గుడ్డు మొత్తం దొర‌క‌డం ప్ర‌పంచంలోనే ఇది తొలిసార‌ని ఆమె పేర్కొన్నారు.

డేవిడ్ సిటీలో గ‌తంలో జ‌రిపిన త‌వ్వ‌కాల్లో చాలా గుడ్డు పెంకులు ల‌భించాయి. 10 వ శ‌తాబ్దం నాటి ప్రాంతం నుంచి ఈ కోడిగుడ్డు క‌నుగొన్న‌ట్లు ఇజ్రాయెల్ పుర‌వాస్తు విభాగం అధికారులు తెలిపారు. వెయ్యేండ్ల నాటి ఈ కోడిగుడ్డును అతి జాగ్ర‌త్త‌గా భ‌ద్ర‌ప‌రిచేందుకు ఏర్పాట్లు చేశారు. ప్ర‌స్తుతం అందుబాటులో ఉన్న కోడిగుడ్లు వారం రోజుల‌కే చెడిపోతున్న త‌రుణంలో వేయి సంవ‌త్స‌రాల నుంచి ఈ కోడిగుడ్డు ఎలా భ‌ద్రంగా ఉందో క‌నుక్కొనేందుకు శాస్త్ర‌వేత్త‌లు ప్ర‌య‌త్నాలు ప్రారంభించారు.