Congress Leader Stabs Girlfriend | ప్రియురాలిని కత్తితో పొడిచిన కాంగ్రెస్‌ నేత.. ఆమె మోసం చేసిందని ఆరోపణ

Congress Leader Stabs Girlfriend | యువజన కాంగ్రెస్ నాయకుడు తన ప్రియురాలిని కత్తితో పొడిచాడు. ఆమె తనను మోసం చేసిందని ఆరోపించాడు. నీకు ఎంత మంది బాయ్‌ఫ్రెండ్స్ ఉన్నారు? అని ఆ మహిళను ప్రశ్నించాడు. ఆ తర్వాత అక్కడి నుంచి పారిపోయాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

భోపాల్‌: యువజన కాంగ్రెస్ నాయకుడు తన ప్రియురాలిని కత్తితో పొడిచాడు. (Congress Leader Stabs Girlfriend) ఆమె తనను మోసం చేసిందని ఆరోపించాడు. నీకు ఎంత మంది బాయ్‌ఫ్రెండ్స్ ఉన్నారు? అని ఆ మహిళను ప్రశ్నించాడు. ఆ తర్వాత అక్కడి నుంచి పారిపోయాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. మధ్యప్రదేశ్‌లోని నీముచ్‌లో ఈ సంఘటన జరిగింది. కేసర్‌పురాకు చెందిన 23 ఏళ్ల కుల్దీప్ వర్మ యువజన కాంగ్రెస్ నాయకుడు. బుధవారం మధ్యాహ్నం నీముచ్‌లోని ఒక పార్క్‌ వద్ద 20 ఏళ్ల యువతితో వాగ్వాదానికి దిగాడు. ఆగ్రహంతో తన వద్ద ఉన్న కత్తితో ఏడుసార్లు ఆమెను పొడిచాడు. ఆ యువతి తనను ప్రేమించి మోసం చేసిందని ఆరోపించాడు. ఈ అమ్మాయిలకు డబ్బు కావాలి అంటూ గట్టిగా అరిచాడు. ‘నువ్వు నన్ను వదిలేసావు. మీకు ఎంత మంది బాయ్‌ఫ్రెండ్స్ ఉన్నారు? అయాన్, ర్యాన్, ఆజాద్, హర్షిత్’ అంటూ రంకెలు వేశాడు. ఆ తర్వాత అక్కడి నుంచి పారిపోయాడు.

కాగా, తీవ్రంగా గాయపడిన ఆ యువతి నేలపై పడి బాధతో విలవిలలాడిపోయింది. అయితే ఎవరూ కూడా ఆమెను కాపాడేందుకు ప్రయత్నించలేదు. ఈ సమాచారం తెలుసుకున్న పోలీసులు వెంటనే సంఘటనా స్థలానికి చేరుకున్నారు. గాయపడిన ఆ యువతిని జిల్లా ఆసుపత్రికి తరలించారు. అయితే కుటుంబ సభ్యులు ఆమెను ప్రైవేట్ ఆసుపత్రిలో అడ్మిట్‌ చేశారు. ఆ మహిళ ఆరోగ్య పరిస్థితి నిలకడగా ఉందని డాక్టర్లు తెలిపారు.

మరోవైపు యువతిపై కత్తితో దాడి చేసిన నిందితుడైన కుల్దీప్ వర్మను పోలీసులు అరెస్ట్‌ చేశారు. హత్యాయత్నం కింద కేసు నమోదు చేసి దర్యాప్తు చేస్తున్నారు. కాగా, ఈ సంఘటనకు సంబంధించిన వీడియో క్లిప్‌ సోషల్‌ మీడియాలో వైరల్‌ అయ్యింది.

https://twitter.com/ItsKhan_Saba/status/1818952429217456508?ref_src=twsrc%5Etfw%7Ctwcamp%5Etweetembed%7Ctwterm%5E1818952429217456508%7Ctwgr%5E5cb929cb342da89b12ae06bedec5ef6d7ac6faea%7Ctwcon%5Es1_c10&ref_url=https%3A%2F%2Fwww.freepressjournal.in%2Findia%2Fhow-many-boyfriends-do-you-have-youth-congress-leader-stabs-girlfriend-7-times-after-accusing-her-of-cheating-in-neemuch-video