Report | ఒకే ఒక్క ద‌శాబ్దం… మాయం కానున్న ఏనుగులు, క‌ప్ప‌లు, చేప‌లు

ప్ర‌పంచం.. ఒక్క మనిషి సొత్తే కాదు. మ‌నిషే స‌ర్వ‌స్వం కాదు. మ‌నిషి కూడా ఇందులో భాగం. ర‌క ర‌కాల జీవ‌రాశులు, చెట్లు, చేమ‌లు, జంతువులు

ప్ర‌పంచం.. ఒక్క మనిషి సొత్తే కాదు. మ‌నిషే స‌ర్వ‌స్వం కాదు. మ‌నిషి కూడా ఇందులో భాగం. ర‌క ర‌కాల జీవ‌రాశులు, చెట్లు, చేమ‌లు, జంతువులు… ఇలా అన్ని క‌ల‌గ‌లిపితేనే ప్ర‌పంచం. మ‌నిషి జీవిత‌మే ఓ విచిత్ర జీవితం. ఆ విచిత్ర జీవ‌నం నుంచి కాస్త రిలీఫ్ పొంద‌డానికి అప్పుడ‌ప్పుడు ప్ర‌కృతికి చేరువ‌వుతాడు. ర‌క‌ర‌కాల జీవ‌రాశుల‌ను చూస్తూ మాన‌సిక ఆహ్లాదాన్ని పొందుతాడు. అవేవీ లేకుండా… కేవ‌లం మ‌నుషులే ఉంటే.. ఊహించుకుంటేనే భ‌యం పుడుతోంది క‌దా… మ‌రో ద‌శాబ్దం త‌ర్వాత ప‌రిస్థితి ఇలాగే మారిపోతోంద‌ని ఓ స‌ర్వే తేల్చి చెప్పింది.

‘వ‌ర‌ల్డ్ వైడ్ ఫండ్’ అనే సంస్థ ప‌శువులు, ప‌క్షులు, చెట్లు వీటిపై అధ్య‌య‌నం చేస్తుంది. ఈ సంస్థ తాజాగా ఓ తీవ్ర‌మైన హెచ్చ‌రికే చేసింది. మ‌రో ద‌శాబ్ద కాలంలో ఈ భూ ప్ర‌పంచం మ‌హా వినాశ‌నం వైపు దారితీస్తుంద‌ని, ర‌క ర‌కాల చెట్లు, జంతువులు ఇవ‌న్నీ లుప్త‌మైపోతాయ‌ని తీవ్రంగా హెచ్చ‌రించింది. డ‌బ్ల్యూడ‌బ్ల్యూఎఫ్ 2021 సంవత్స‌రంలో ‘విన్న‌ర్‌-లూజ‌ర్’ పేరుతో ఓ రిపోర్టును బ‌య‌ట‌పెట్టింది.

ఏనుగులు, క‌ప్ప‌లు, ఎలుగుబంట్లు మాయం….

డైనోసార్ లుప్త‌మైన త‌ర్వాత‌… అంత పెద్ద జంతు వినాశ‌నం ఎప్పుడూ జ‌ర‌గ‌లేద‌ని, కానీ.. ఓ ద‌శాబ్దం త‌ర్వాత అంత పెద్ద జంతు వినాశ‌నం జ‌ర‌గ‌బోతోంద‌ని ఆ సంస్థ తేల్చింది. దాదాపుగా ఓ కోటి వృక్ష జాతులు, జంతు జీవాల‌న్నీ వినాశ‌న‌మ‌వుతాయ‌ని ఆ సంస్థ పేర్కొంది. ఏనుగులు, ధృవ‌పు ఏలుగుబంట్లు, సొర చేప‌లు, క‌ప్ప‌లు, చేప‌లు… ఇలా ఓ 10 ల‌క్ష‌ల జీవాల‌కు తీవ్ర‌మైన ముప్పు పొంచి ఉంద‌ని ఆ సంస్థ హెచ్చ‌రించింది.

అయితే 142,500 జాతుల‌ను రెడ్‌లిస్ట్‌లో చేర్చామ‌ని, అందులో40 వేల జాతులు లుప్త‌మ‌వ్వ‌డానికి సిద్ధంగా ఉన్నాయ‌ని ఆ సంస్థ పేర్కొంది. ముఖ్యంగా ఆఫ్రికా అడ‌వుల్లో ఉండే ఏనుగులు అంత‌రించిపోవ‌డానికి అతి ద‌గ్గ‌రగా ఉన్నాయ‌ని, గ‌త 31 సంవ‌త్స‌రాల్లో 86 శాతం మేర ఏనుగుల సంఖ్య త‌గ్గింద‌ని ‘వ‌ర‌ల్డ్‌వైడ్ ఫండ్’ తెలిపింది.