Protest | కేజ్రీవాల్‌ సీఎం పదవికి రాజీనామా చేయాలి.. ఢిల్లీలో బీజేపీ ఆందోళన..

Protest | దేశ రాజధాని ఢిల్లీ అధికార ఆమ్ ఆద్మీ పార్టీ‌, ప్రతిపక్ష బీజేపీల ఆందోళనలతో అట్టుడుకుతోంది. ఢిల్లీ సీఎం అర్వింద్‌ కేజ్రీవాల్‌ అరెస్ట్‌కు నిరసనగా ఆప్‌ శ్రేణులు గత మూడు రోజులుగా ఆందోళనలు చేస్తుంటే.. కేజ్రీవాల్‌ సీఎం పదవికి రాజీనామా చేయాలంటూ ఇవాళ బీజేపీ శ్రేణులు నిరసనకు దిగాయి.

Protest : దేశ రాజధాని ఢిల్లీ అధికార ఆమ్ ఆద్మీ పార్టీ‌, ప్రతిపక్ష బీజేపీల ఆందోళనలతో అట్టుడుకుతోంది. ఢిల్లీ సీఎం అర్వింద్‌ కేజ్రీవాల్‌ అరెస్ట్‌కు నిరసనగా ఆప్‌ శ్రేణులు గత మూడు రోజులుగా ఆందోళనలు చేస్తుంటే.. కేజ్రీవాల్‌ సీఎం పదవికి రాజీనామా చేయాలంటూ ఇవాళ బీజేపీ శ్రేణులు నిరసనకు దిగాయి.

మూడు రోజులుగా ఆందోళనల్లో పాల్గొంటున్న ఆప్‌ నేతలను ఢిల్లీ పోలీసులు అదుపులోకి తీసుకుని ఆ తర్వాత వదిలిపెడుతున్నారు. ఈ క్రమంలో ఇవాళ ఆంళోనలు షురూ చేసిన బీజేపీ నేతలను కూడా పోలీసులు అరెస్ట్‌ చేశారు. పోలీసులు అరెస్ట్‌ చేసిన వాళ్లలో ఢిల్లీ బీజేపీ అధ్యక్షుడు వీరేంద్ర సచ్‌దేవ కూడా ఉన్నారు.

కాగా, ఢిల్లీ లిక్కర్‌ కేసులో సీఎం అర్వింద్‌ కేజ్రీవాల్‌ను ఇటీవల ఈడీ అధికారులు అరెస్ట్‌ చేశారు. ప్రస్తుతం ఆయన ఈడీ కస్టడీలో ఉన్నారు. అరెస్టైనా సీఎం పదవికి రాజీనామా చేయకుండా ఈడీ కస్టడీ నుంచే సీఎంగా ఆదేశాలు ఇస్తున్నారు. దాంతో కేజ్రీవాల్ సీఎం పదవికి రాజీనామా చేయాలని బీజేపీ డిమాండ్‌ చేస్తున్నది.

#WATCH | Delhi BJP President Virendraa Sachdeva detained during party’s protest demanding resignation of Delhi CM Arvind Kejriwal pic.twitter.com/EJRnHn8D9J

— ANI (@ANI) March 26, 2024