పట్నాలో కూరగాయల వ్యాపారి కూతురిపై కాల్పులు..

Patna | బీహార్‌లోని పట్నాలో (Patna) దారుణం చోటుచేసుకుంది. పట్నాలోని సిపారా ప్రాంతంలో ఓ కూరగాయల వ్యాపారి కూతురిని ఓ యువకుడు తుపాకీతో కాల్చాడు.

పట్నా: బీహార్‌లోని పట్నాలో దారుణం చోటుచేసుకుంది. పట్నాలోని సిపారా ప్రాంతంలో ఓ కూరగాయల వ్యాపారి కూతురిని ఓ యువకుడు తుపాకీతో కాల్చాడు. దీంతో ఆమె తీవ్రంగా గాయపడింది. యువతి వీధిలోనుంచి వస్తుండగా ఓ యువకుడు ఆమెను దాటుకుని వచ్చి కొద్ది దూరంలో నిల్చున్నాడు. ఆమె అతడిని దాటి వెళ్లిన తర్వాత.. అప్పటికే తనతో తెచ్చుకున్న తుపాకీని సంచిలోనుంచి తీసి ఆమె మెడపై కాల్చాడు.

అనంతరం అక్కడి నుంచి పరారయ్యాడు. రక్తపు మడుగులో పడిఉన్న ఆమెను స్థానికులు దవాఖానకు తరలించారు. ప్రస్తుతం ఆ యువతి చికిత్స పొందుతున్నదని పోలీసులు తెలిపారు. కాల్పులకు ప్రేమ వ్యవహారమే కారణమని వెల్లడించారు. యువకుడి కోసం గాలిస్తున్నామని చెప్పారు. ఇదంతా ఓ ఇంటికి ఉన్న కెమెరాలో రికార్డయింది.

Bihar| A vegetable vendor’s daughter shot yesterday in Indrapuri locality of Sipara area of ​​Beur PS in Patna. Injured girl who was shot in the neck is undergoing treatment in a private hospital. Matter is being said to be a love affair: Patna Police

(Visuals: CCTV footage) pic.twitter.com/kHbddcU2L1

— ANI (@ANI) August 18, 2022