మా ఎంపీలను నామినేట్‌ చేయం.. జేపీసీపై టీఎంసీ, ఎస్‌పీ ప్రకటన

వరుసగా 30 రోజులపాటు జైలులో ఉన్న ముఖ్యమంత్రులు, మంత్రులు, ప్రధానమంత్రిని 31వ రోజున పదవి నుంచి తొలగించడానికి ఉద్దేశించిన 130వ రాజ్యాంగ సవరణ బిల్లుతోపాటు మరో రెండు బిల్లులపై నియమించిన సంయుక్త పార్లమెంటరీ కమిటీని(జేపీసీ) ఓ ప్రహసనంగా తృణమూల్‌ కాంగ్రెస్‌(టీఎంసీ), సమాజ్‌వాది పార్టీ అభివర్ణించాయి.

న్యూఢిల్లీ: వరుసగా 30 రోజులపాటు జైలులో ఉన్న ముఖ్యమంత్రులు, మంత్రులు, ప్రధానమంత్రిని 31వ రోజున పదవి నుంచి తొలగించడానికి ఉద్దేశించిన 130వ రాజ్యాంగ సవరణ బిల్లుతోపాటు మరో రెండు బిల్లులపై నియమించిన సంయుక్త పార్లమెంటరీ కమిటీని(జేపీసీ) ఓ ప్రహసనంగా తృణమూల్‌ కాంగ్రెస్‌(టీఎంసీ), సమాజ్‌వాది పార్టీ అభివర్ణించాయి. తమ సభ్యులను అందులో నామినేట్‌ చేయడం లేదని శనివారం ప్రకటించాయి. ప్రవేశపెట్టిన దశలోనే తాము 130వ రాజ్యాంగ సవరణ బిల్లును వ్యతిరేకించామని, తమ దృష్టిలో అది ఓ ప్రహసనమని టీఎంసీ ఓ ప్రకటనలో తెలిపింది.

తమ సభ్యులను జేపీసీలో నామినేట్‌ చేయబోమని టీఎంసీ వెల్లడించింది. సమాజ్‌వాది పార్టీ కూడా తమ సభ్యులను జేపీసీలో నామినేట్‌ చేయబోమని ప్రకటించింది. వర్షాకాల పార్లమెంట్‌ సమావేశాల ముగింపునకు ఒకరోజు ముందు ఈ మూడు వివాదాస్పద బిల్లులను ప్రభుత్వం ప్రవేశపెట్టింది. విపక్షాల ఆందోళనతో మూడు బిల్లులను కేంద్రం జేపీసీ పరిశీలనకు అప్పగించింది.