Tiger Loses Eye | రాళ్లతో జనం దాడి.. ఒక కన్ను కోల్పోయిన పులి

Tiger Loses Eye | గ్రామంలోకి ప్రవేశించిన పులిని తరిమేందుకు జనం ప్రయత్నించారు. ఈ సందర్భంగా దానిపై రాళ్లు, ఇటుకలు విసిరారు. పులి ముఖానికి అవి తగలడంతో ఒక కన్ను కోల్పోయింది.

గౌహతి: గ్రామంలోకి ప్రవేశించిన పులిని తరిమేందుకు జనం ప్రయత్నించారు. ఈ సందర్భంగా దానిపై రాళ్లు, ఇటుకలు విసిరారు. పులి ముఖానికి అవి తగలడంతో ఒక కన్ను కోల్పోయింది. (Tiger Loses Eye) అస్సాంలోని నాగావ్ జిల్లాలో ఈ సంఘటన జరిగింది. కలియాబోర్‌ గ్రామంలోకి ఒక పులి ప్రవేశించింది. దానిని చూసి జనం భయాందోళన చెందారు. కొందరు వ్యక్తులు కర్రలతో ఆ పులిని తరిమేందుకు ప్రయత్నించారు. ఈ సందర్భంగా రాళ్లు, ఇటుకలు దాని మీదకు విసిరారు.

కాగా, జనం దాడి నుంచి తప్పించుకునేందుకు ఆ పులి ప్రయత్నించింది. ఒక కొలనులోకి అది దిగింది. చివరకు అటవీ శాఖ సిబ్బంది ఆ పులిని పట్టుకున్నారు. దాని ముఖం, కంటికి గాయం కావడాన్ని పరిశీలించారు. ఆ పులికి చికిత్స అందించిన వైద్యుడు అది ఒక కన్ను కోల్పోయిందని చెప్పారు. ఈ నేపథ్యంలో చికిత్స కోసం ఆ పులిని వన్యప్రాణుల పునరావాసం, సంరక్షణ కేంద్రానికి తరలిస్తామని అటవీశాఖ అధికారులు వెల్లడించారు.

మరోవైపు పులిపై జనం దాటికి సంబంధించిన వీడియో క్లిప్‌ సోషల్‌ మీడియాలో వైరల్‌ అయ్యింది. అయితే సాయుధులైన అటవీ శాఖ సిబ్బంది కూడా పులిపై దాడిలో పాల్గొన్నట్లు ఆరోపణలు వచ్చాయి.

Armed forest officials pelted stones to chase away a tiger that ventured into human habitat in Assam’s Kaliabor recently. The tiger can be seen running away after being hit by a stone and jumping into a water body for safety. #Tiger #Assam #Kaliabor | @assamforest pic.twitter.com/FulHNRaXZN

— Pratidin Time (@pratidintime) November 20, 2024

With deep sorrow, I bid farewell to today. Meanwhile, in Assam’s Kaliabor, this tiger has completely lost vision in one eye due to the stone pelting by human-faced demons. pic.twitter.com/XD4icGN4Wy

— Nandan Pratim Sharma Bordoloi (@NANDANPRATIM) November 21, 2024