మూడు అడుగుల బర్రె.. గిన్నిస్‌ బుక్‌లో చోటుదక్కించుకున్న రాధ

మహారాష్ట్ర బొరాటే ప్రాంతానికి చెందిన మూడు అడుగుల బర్రె (పేరు రాధ) గిన్నిస్‌ వరల్డ్‌ రికార్డ్‌లో చోటుదక్కించుకుంది. ప్రపంచంలోనే అత్యంత తక్కువ ఎత్తు కలిగిన బర్రెగా ‘రాధ’కు గిన్నిస్‌లో చోటుదక్కింది.

న్యూఢిల్లీ, డిసెంబర్‌ 7: మహారాష్ట్ర (Maharashtra) బొరాటే ప్రాంతానికి చెందిన మూడు అడుగుల బర్రె (పేరు రాధ) గిన్నిస్‌ వరల్డ్‌ రికార్డ్‌లో (Guinness World Record) చోటుదక్కించుకుంది. ప్రపంచంలోనే అత్యంత తక్కువ ఎత్తు కలిగిన బర్రెగా ‘రాధ’కు గిన్నిస్‌లో చోటుదక్కింది. సాధారణంగా బర్రెలు 5 నుంచి 6 అడుగుల ఎత్తు వరకు ఉంటాయి. అయితే ‘రాధ’ ఎత్తు కేవలం 85 సెంటీమీటర్లు ఉండటం.. అందరి దృష్టిని ఆకర్షించింది. అంతర్జాతీయంగా పలు ప్రదర్శనలకు ‘రాధ’ చీఫ్‌ గెస్ట్‌గా హాజరవుతున్నది. థాయిలాండ్‌కు చెందిన ‘కింగ్‌ కాంగ్‌’ 6 అడుగుల ఎత్తుతో ప్రపంచంలో అత్యంత ఎత్తయిన బర్రెగా నిలిచింది. దీంతో పోల్చితే ‘రాధ’ దాదాపు 3 అడుగులు చిన్నది.