యూపీఐ చెల్లింపులను అంగీకరించం

యూపీఐ చెల్లింపులపై మర్చంట్‌ డిస్కౌంట్‌ రేట్‌ (ఎండీఆర్‌)ను విధించడాన్ని మొదటి నుంచి వ్యాపార వర్గాలు తీవ్రంగా నిరసిస్తున్న క్రమంలో హర్యానా, పంజాబ్‌ పంపు ఆపరేటర్లు కఠిన నిర్ణయాన్ని తీసుకున్నారు.

న్యూఢిల్లీ, అక్టోబర్‌ 14: ఎండీఆర్‌ను వ్యతిరేకిస్తూ ఇకపై యూపీఐ చెల్లింపులను అంగీకరించ రాదని నిర్ణయించినట్టు వారు తెలిపారు. పెట్రోల్‌, డీజిల్‌ కొనుగోలుకు డిజిటల్‌ చెల్లింపులు చేసే వాహనదారులకు ఇది ఇబ్బందికరమే అయినప్పటికీ ఈ నిర్ణయం తీసుకోక తప్పలేదని పేర్కొన్నారు.

చమురు కంపెనీల ఏకపక్ష నిర్ణయాలతో పెట్రోలియం డీలర్లు ఇప్పటికే తక్కువ మార్జిన్‌ లాభాలతో ఇబ్బందులు పడుతున్నారని, ఇప్పుడు ఎండీఆర్‌ వద్దని అసోసియేషన్‌ పంజాబ్‌ అధ్యక్షుడు పరంజిత్‌ సింగ్‌, అధికార ప్రతినిధి మాంటీ సెహగాల్‌ తెలిపారు.