The Kerala Story: తమిళనాడులో ‘ది కేరళ స్టోరీ’ నిలిపివేత

శాంతి భద్రతలకు భంగం వాటిల్లే అవకాశం ఉన్నందున తమిళనాడులో నేటి నుంచి 'ది కేరళ స్టోరీ' సినిమా ప్రదర్శనలు నిలిపేస్తున్నట్లు థియేటర్ల యజమానులు తెలిపారు.

శాంతి భద్రతలకు భంగం వాటిల్లే అవకాశం ఉన్నందున తమిళనాడులో నేటి నుంచి ‘ది కేరళ స్టోరీ’ సినిమా ప్రదర్శనలు నిలిపేస్తున్నట్లు థియేటర్ల యజమానులు ప్రకటించారు.
ది కేరళ స్టోరీ సినిమా ట్రైలర్ రిలీజ్ అయినప్పటి నుంచి ఈ సినిమా దేశవ్యాప్తంగా వివాదస్పదమైంది. మే 6న రిలీజ్ అయిన ఈ సినిమాకు నెటిజన్ల నుంచి మంచి స్పందన వస్తోంది. బాక్సాఫీసు వద్ద కూడా మంచి వసూళ్లు రాబడుతోంది.
ఈ సినిమా విడుదల నేపథ్యంలో తమిళనాడులో నామ్ తమిళార్ కట్చి(NTK) పార్టీ ఆందోళనలు చేపట్టింది. ‘ది కేరళ స్టోరీ’ విడుదల పట్ల నిరసన తెలుపుతూ సినిమాను నిషేధించాలనే నినాదాలతో ధియేటర్లలోకి వెళ్లి ఆందోళన చేపట్టారు. దీంతో పోలీసులు వారిని అరెస్టు చేశారు. ఈ నేపథ్యంలో ‘ది కేరళ స్టోరీ’ ప్రదర్శిస్తే అల్లర్లు జరిగే అవకాశం ఉందని, సాధారణ జనం నుంచి కూడా ఆదరణ అంతంతమాత్రంగానే ఉండటం వల్ల ఈ సినిమాను నిలిపేస్తున్నట్లు ధియేటర్ల యాజమానులు తెలిపారు. మరోవైపు తమిళనాడులో ‘ది కేరళ స్టోరీ’ సినిమా ప్రదర్శించడం వల్ల అల్లర్లు జరిగే అవకాశం ఉందని నిఘా వర్గాలు హెచ్చరించిన విషయం తెలిసిందే.