అధిక బ‌రువుతో బాధ‌ప‌డుతున్నారా.. అయితే మీరు ఇవి త‌ప్పక తినాలి..!

Thati Gagulu: తాటి గేగులు..! వీటినే తేగ‌లు అని కూడా అంటారు..! తాటి గింజ‌లు మొల‌కెత్తిన‌ప్పుడు నేల‌లోకి చొచ్చుకెళ్లే లేలేత వేర్లే ఈ గేగులు, తేగ‌లు. ప్ర‌తి ఏడాది

హైద‌రాబాద్‌: తాటి గేగులు..! వీటినే తేగ‌లు అని కూడా అంటారు..! తాటి గింజ‌లు మొల‌కెత్తిన‌ప్పుడు నేల‌లోకి చొచ్చుకెళ్లే లేలేత వేర్లే ఈ గేగులు, తేగ‌లు. ప్ర‌తి ఏడాది డిసెంబ‌ర్, జ‌న‌వ‌రి, ఫిబ్ర‌వ‌రి నెల‌ల్లో ఇవి ఎక్కువ‌గా అందుబాటులో ఉంటాయి. ఈ తాటి గేగులను కాల్చిగానీ, ఉడ‌క‌బెట్టుకునిగానీ తింటే ఎంతో రుచిగా ఉంటాయి. రుచికి తోడు శ‌రీరానికి అవ‌స‌ర‌మైన ఎన్నో ప్ర‌యోజ‌న‌క‌ర‌మైన పోష‌కాలు వీటిలో ఉంటాయి. మ‌రి ఆ పోష‌కాలేంటో తెలుసుకుందాం..!

తాటి గేగుల‌తో బ‌రువుకు చెక్‌..

• తాటి గేగులలో విటమిన్ సి, విటమిన్ బి, పొటాషియం, ఫాస్ఫ‌ర‌స్‌, క్యాల్షియం, మెగ్నీషియం, ఐరన్, ఫైబర్, యాంటీ ఆక్సిడెంట్స్ త‌దిత‌ర‌ పోషకాలు సమృద్ధిగా ల‌భ్య‌మ‌వుతాయి.
• ఊబ‌కాయంతో బాధపడేవారికి ఈ తాటి గేగుల‌లోని ఫైబ‌ర్ బాగా ఉప‌యోగ‌ప‌డుతుంది. ఈ గేగుల‌ను నేరుగా తిన‌డం ఇష్టంలేనివారు చిన్నచిన్న ముక్కలుగా కట్ చేసి, ఎండబెట్టుకుని పిండిగా మార్చుకుని కూడా తీసుకోవ‌చ్చు.
• ఈ తాటి గేగుల పిండితో రొట్టెలు తయారు చేసుకుని తింటే ఆ పిండిలోని ఫైబ‌ర్‌వ‌ల్ల వేగంగా బరువు తగ్గుతారు.
• అంతేగాక, ఈ తాటి గేగులు శరీరంలో రోగనిరోధక వ్యవస్థ బలోపేతానికి కూడా బాగా తోడ్ప‌డుతాయి.
• ఒంట్లో వేడిని తగ్గించ‌డంలో కూడా తాటి గేగులు కీల‌కపాత్ర పోషిస్తాయి.
• రక్తహీనత సమస్యకు కూడా తాటి గేగుల‌తో చ‌క్క‌ని ప‌రిష్కారం ల‌భిస్తుంది.