న్యూఢిల్లీ : కరోనా మహమ్మారి ప్రబలిన అనంతరం వర్క్ ఫ్రం హోం, రిమోట్ వర్కింగ్ సాధారణ ప్రక్రియలా మారింది. దీంతో ఉద్యోగులకు ఓ వైపు పనిచేస్తూనే ఇతర విషయాలనూ చక్కబెట్టుకునే వెసులుబాటు లభించింది. అయితే తనయ్ ప్రతాప్ అనే ఓ స్టార్టప్ ఫౌండర్కు అసలు సమయమే దొరకని బిజీలో ఉన్నట్టు సెలూన్లో హెయిర్కట్ చేయించుకుంటూ ఆఫీస్ మీటింగ్లో తలమునకలయ్యాడు.
Peak productivity unlocked today. Took meeting while getting a haircut.
The staff were the sweetest to stop music while I took the meeting.
Startups are not for everyone. The only time you get when you’re not working is while you’re sleeping. pic.twitter.com/RnPXQq8gXP
— Tanay Pratap (@tanaypratap) January 4, 2023
ఈ ఫొటోను ట్విట్టర్లో పోస్ట్ చేసిన తనయ్ ప్రతాప్ పీక్ ప్రొడక్టివిటీ అని లేబుల్ తగిలించాడు. కాగా, స్టార్టప్ ఫౌండర్ అయిన తపన్ గతంలో మైక్రోసాఫ్ట్లోనూ పనిచేశాడు. తనయ్ తపనను నెటిజన్లు సరిగ్గా అర్ధం చేసుకోలేదేమో కానీ అతడిని ఓ రేంజ్లో ట్రోల్ చేశారు. పీక్ ప్రొడక్టివిటీకి ఈరోజు తలుపులు తెరుచుకున్నాయి..హెయిర్కట్ చేయించుకుంటూనే మీటింగ్లో పాల్గొన్నాను..తాను మీటింగ్ తీసుకుంటుంటే మ్యూజిక్ను స్టాప్ చేసిన సెలూన్ స్టాఫ్ ఎంతో సహకరించారు..స్టార్టప్లు అందరికీ కాదు..మీరు నిద్రించే సమయంలోనే మీరు పనిచేస్తూ ఉండరని పోస్ట్కు క్యాప్షన్ ఇచ్చారు.
ఈ పోస్ట్ పలువురు నెటిజన్ల దృష్టిని ఆకర్షించినా పలువురు యూజర్లు తనయ్ను గట్టిగా ట్రోల్ చేశారు. నిద్రిస్తూ కూడా హెయిర్ కట్ చేయించుకుంటావా అని ఓ యూజర్ ప్రశ్నించగా, 30 శాతం కాన్సన్ట్రేషన్తో మీటింగ్లో ఎలా పాల్గొంటావని మరో యూజర్ నిలదీశారు. అసలు హెయిర్కట్ ఎందుకు చేయించుకున్నావ్..జట్టును పెరగనివ్వు..ఆ సమయాన్ని కూడా స్టార్టప్ కోసం వెచ్చించని మరో యూజర్ సెటైర్ వేశారు.